ممـلـكــة الكـنــــج خــان

اهلا بيك وسط اسره محبـى الكينج خــان .. شاروخــــــــان

شاروخــان _ SRK _शाहरुख खान

المواضيع الأخيرة

» اهلا يا جماعة انا جديدة هنا في المملكة
الأحد 16 أكتوبر 2016, 11:38 am من طرف Sara#srk

» اهلا يا جماعة انا جديدة هنا في المملكة
الأحد 16 أكتوبر 2016, 11:37 am من طرف Sara#srk

» خواطري وانا شاروخان
الجمعة 14 أكتوبر 2016, 2:11 pm من طرف Lucky Hadeer

» اكتب ماتشعر به الان وستجد من يسمعك
الخميس 06 أكتوبر 2016, 11:09 pm من طرف Lucky Hadeer

» شــــــــاروخان وماذا يقوول للفانز على تويتر .. _متجدده
الثلاثاء 02 أغسطس 2016, 2:54 pm من طرف بانسي

» عاشقة شاروخانية جديدة
الثلاثاء 02 أغسطس 2016, 2:48 pm من طرف الشاروخان

» **اعــرف حــظك فـــى الحــــــب **
الخميس 16 يوليو 2015, 6:31 pm من طرف بنوتة كيوت خددها تــوتَ

» لو مرت فترة و لم تشاهد اى فيلم قديم لشارو ..................؟؟؟؟؟
الجمعة 10 يوليو 2015, 9:56 pm من طرف كارول

» هتعملى ايه لو فزتى بيوم كامل مع شاروخان
الجمعة 10 يوليو 2015, 8:46 pm من طرف كارول

» لعبة مسلية يلا خشوو
السبت 06 يونيو 2015, 4:59 am من طرف INDIAN GIRL

» شارو وهو صغنن
السبت 09 مايو 2015, 3:15 pm من طرف ♥♫ مجنونة شاروخان ♥♫

» لبيت الكنج يلا بصو شفو
الثلاثاء 24 فبراير 2015, 5:30 pm من طرف شاروخان حبي الاول والاخير

» اختار شخصية من شخصيات شاروخان
الأربعاء 11 فبراير 2015, 7:57 pm من طرف شاروخان حبي الاول والاخير

» تعلم اللغه الهنديه
الثلاثاء 10 فبراير 2015, 6:44 pm من طرف Hiba Brn

» فيلم الاكشن الشهير جمرة الحب والانتقام لشاروخان koyla 1997 مترجم
الثلاثاء 27 يناير 2015, 5:24 pm من طرف Sama cat


    هـام لكل حبايب شاروخان/ علشـــان بنحـب شاروخان .. ^_^

    شاطر

    ToFyTa
     
     

    انثى
    عدد المساهمات : 2833
    تاريخ التسجيل : 22/10/2009
    العمر : 29
    الموقع : || مَعآآه فين ما يكون ~
    العمل/الترفيه : كل حياتى متابعه حبيبى شاروك
    المزاج : فى حاله حب دائمه مع الملك

    مثبت هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ToFyTa في الخميس 23 سبتمبر 2010, 7:53 pm

    [ندعوك للتسجيل في المنتدى أو التعريف بنفسك لمعاينة هذه الصورة]

    السلام عليـكم ورحمه الله لجميــع اعضـــاء مملكتنـا الكرام .. king

    ولانى واحده عاديه جدا زى زيكم ..ولانى بحب شاروخان بدون مقابل وبدون حدود وعلشان كمان احنا كلنا صحــاب واخوات هنـا مفيش رئيس و الكلام الفارغ ده .. حبيبت اتكلم معاكم شويا فى موضوع مهم واتمنى كل واحد يشاركينى الرائ وانا منتظراكم جميعا ...


    ياترى كل واحد فينـا عمل ايه علشان بيحب شاروخان ؟؟ وهل حبنا ده لازم نعبـر عنه بفلوس علشانه ؟؟ او دفعت كام علشان تثبت الحب ده ؟؟ scratch


    سؤال غريب اكيد فى ناس استغربت .. بس انا عايزة اقولكم ع حاجة فى ناس شايفه نفسـها انها بالفلوس تقدر تعمل كتيييير علشان تسعده .. زى " سندى " الست المليونيره اللى جابت لشاروك قطعه من القمر وسمتها باسمه هنـاك !!! وفى واحد عمل تصميم بس بحب وعملت جمبه قلب صغير علشان بتحبه ؟..!!


    تفتكروا مين احـسن عند شاروخــان ؟؟


    انا من رايـى المتواضع يعنى ان مفيش فــرق اكيد .. لان شاروك بيحبنا كلنا لانه ملك القلوب انسان بيعرف يقدر الناس كويـس واكيييد بخبره سنينه هيقرى فى عيون الناس الحب اللى بجد ...


    ________________________

    انا ليه بقول الكلام ده !!!


    بقولوا لان فى نــاس زملاء فى حب شاروخـان .. واكيد كل الاحترام ليهم .. عاملين سيت بفلوس وجرحوا فى حبنا البسيط لمنتدانا الصغيـر لانه مجانى ..!!

    انا مش هكتر فى الحوار لان الموضوع صغــيرررر جداا فى نظرى .. بس انا حابه اقولكم انا عملت المنتدى ده وممكن اعمل سيت زيهم الحمدلله .. ماديا ممكن اعمل كتيييييير اوى وهلاقى صحااابى كلهم معايا ... لكن انا لما فكرت مفكرتش انى اجرى ع شاروك واقوله بص شوف عملت ايه !

    ملحــوظه : انا عملته قبل شاروك ما يجى تويتر !


    يعنى هدفى مكنش انى بس اوريله انا عملت ايه علشانه .. انا بحب الانسان ده مش علشان اقوله بس اتفرج وشوف ... لاء انتم فاهمين الموضوع غــلط اووى ..


    انا عملته علشان اكون صحـاب واعرف ناس يكونوا حسييين بنفس احساس الحب بتــاعى اللى مش اى حد هيحسه الا لما يكون بيحب الراجل ده بجد من قلبـه وعارفه قد ايه هوة انسان محتــرم ...


    الحمدلله عـرفت ناس كتيـــــــــر اوى .. فيه اللى كان كويس وفى الوحش ..بس انا هبص للجانب الكويس من الكوبايه .. انا بحبكم كلكم لانكم اخواتى وعمرى ما أمرت حد ولا اتشرت ولا قلت اعملوا كدا ولا كدا ولا لاء ولا عمرى مسحت حاجة حد كاتبها ..

    لان اللى بنعمله هنــا بين بعض اساسه اللى علموهلنا شــاروخان .. اللى متجمعين فى حبــه كل يوم فى حياتنـا ..

    --------------------------------------------------------------------


    انا بشكر كل الناس اللى بتساعدنى فى عمل البيت الصغيـر ده .. المجـانى علشان انا الحب عندى مش بالفلوس .. بالقيمه .نــاس كتتتيييير معانا هنا ليهم الفضل من وقت ومجهووود وتعب ورفع صور وترجمه مواضيع و و و و حاجات كتييير اوى بقولهم شكرا انتم فعلالالالا بتحبوا شاروخان يارب ما نفترق ابـــــــدا

    . وبمنتهى التواضـع هقول للجمــــيع احنا حبايب الملك فى مملكه الكينج خـان .. عملنا ايه




    انا ومشمشمه ..عــملنــا بيـدج فى الفيس بوك فيـها اكتر من 4,234 شخص ولســه انشاء الله احنا مش بنعملها اى اشهار والله سيبنها كدا والناس بتدور وبتلاقيهـا ..الحمدلله.. من حبــــايب وفانز شــاروخــان من جميــع انحاء العالم .. بنحط اخبـاره اول باول ويمكن قبل ما بحطها هنا بحطها هناك وارجع اترجمها وانسق المواضيـع هنــا

    البيدج اسمهــا " شاروك ورلد "


    الشكـر كل الشكـر لمشمشــــــــــه اختى

    [ندعوك للتسجيل في المنتدى أو التعريف بنفسك لمعاينة هذا الرابط]


    وعملنــا من قريب انا ومشمشه للبيدح دى ..اكونت فى التويتـــر كل الاخبار تلقائيـا بتنزل من الفيس بوك للتويتر علشان حبـايب الملك هنــاك والحمدلله فى فتره قليله جدا وصلنا لما يقرب من 1600 متتبــع لينا .. ومجــــانى وبدون اى اشهار ليهــا برضوا ومش بنعمل هكرز علشان الناس تدخلهـا يا حبايبى


    [ندعوك للتسجيل في المنتدى أو التعريف بنفسك لمعاينة هذا الرابط]

    ---------------------


    وقامت مشمشمه بناء على طلب صحبتنا العسوله .. خوخـا اللى طلبت ان يكون لينا جروب ع الفيس بوك .. شوشو عملته طبعا فورا .. علشان عيـون حبايب شاروخان واللى بنعمله هنــا بنحط لينكاته هنـاك ..

    الشكــر كل الشكر لـ يــويـــو .. الادمن بتاعت الجروب ده واللى بتعمل مجهـود كبيييير اوى اوى فيـه ... بموووت فيكى يا يويو


    [ندعوك للتسجيل في المنتدى أو التعريف بنفسك لمعاينة هذا الرابط]


    -------------------



    واخيــرا مشمشه عملت اذاعه بسيطــه لشاروخــان بس معانيها كبييييييره اوى اوى .. تعبت فيها ليالى بجد قدامى .. وهى لسه تحت الانشاء علشان نبث لكل محبين شــاروخان احلى اغانى افلامــه .. king


    قــريبــا هنحط لينكاها لكل حبايب الملك فى مملكتنا الجميله ..


    -------------------



    هــا يا اخواتى احنا بقى عملنـا ده باسم كل شخص معانا هنـا فى المملكه ومش لاى مصدر مالى يعود لينا زى اصحاب السيتات التانيه .. احنـا عملنا ده كله بحب للملك ..





    بحبكم وبحب مملكتنا الصغيـــره


    [ندعوك للتسجيل في المنتدى أو التعريف بنفسك لمعاينة هذه الصورة]


    عدل سابقا من قبل ToFyTa في الإثنين 28 فبراير 2011, 8:13 am عدل 2 مرات

    toma love srk
     

    انثى
    عدد المساهمات : 123
    تاريخ التسجيل : 21/05/2010
    العمر : 24
    العمل/الترفيه : مشاهدة افلام شاروخ خان
    المزاج : زى الفل

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف toma love srk في الخميس 23 سبتمبر 2010, 9:03 pm

    بجد ياتوفى انا مش عارفه اشكرك ازاى على كل المجهود اللى بتعمليه معانا
    اذا كنتى انتى او مشمشه او يويو او شوشو او كل عضو موجود فى المنتدى
    انتم بتلبوا طللابتنا كلها فى ساعتها
    وانتى ياتوفى عمرك ما حسستينا انك رئيسه علينا
    انتى اختنا
    ودى حاجه بتشرفنا كلنا
    وحبناللكنج دا عمره ما يتقدر بالفلوس
    هو نفسه مابتفرقش معاه الفلوس قد ما بيفرق معاه حب الناس
    واللى بيقدر حب الكنج دا بالفلوس يبقى هو مش بيحبه بالعكس دا بيوهم نفسه انه بيحبه
    والدليل على كدا انا احنا حبايبنا بيكتروا كل مادى وهم بيخسروا كل مادى
    احنا العلاقه بنا اخويه علاقة حب وتفاهم هم بقى العلاقه بنهم رسميه جافه بمعنى اصح
    حب الكنج دا فى الدم مش حاجه ماديه نقدر نشتريها بالفلوس
    ما هو لو بالفلوس ماكنش حد غلب
    بجد ياتوفى انا مها شكرتك انتى واعضاء المنتدى كلهم مش هاوفيكم حقكم
    فبجد مرسى
    [b]

    MshMsha
    عضو نشيط
    عضو نشيط

    انثى
    عدد المساهمات : 720
    تاريخ التسجيل : 24/12/2009
    العمر : 28
    الموقع : في قلب حبيبي شاروكتي
    العمل/الترفيه : مش ورايا حاجة غير متابعة شاروك
    المزاج : رومانسي عشان بحب شاروكي

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف MshMsha في الخميس 23 سبتمبر 2010, 9:26 pm

    أولا يا توفيتة قلبي احنا مفيش بينا الشكر والكلام دة لأننا أخوات وعلاقتنا اكبر من كدة وبجد شاروك قدملي هدية كبيـــــرة أوووووووي يمكن هو ميعرفش بس أنا الهديـــة دي بعتز بيهـا جدا ومكانتهــا عندي كبيـــرة أوووووي والهديــة دي هي اني بقى ليـــا أخت بجد أحسن أخت في الدنيـــا " توفيتـــــا " ربنا يخليكي ليــا يا قلبي
    طبعا غير ناس تانية عرفتهــا برضه ربنا يخليهم ليـا

    ---------------------------------------
    المهم ندخل في موضوعنا بالنسبة لموضوع حب الملك شاروخــان عمر الحب ما كــان بيتقاس بالفلوس يعني مش انا دفعت أكتر يبقى انا بحب أكتــر هو مش مزاد أحنــا داخلينــه وهنشوف " مين اللي هيشيل في الاخر " زي ما بيقولوا ولو هو كدة فهل أقدر أخد ضمان عشان بس لو في حاجة اقدر ابدل هههههههههههههه
    وحاجة كمان عشان بس الناس اللي بتقول ان الحب بالفلوس انا ممكن حد يجبلي هدية غالية جدا مثلا " سوليتير " وحد تاني يجبلي "وردة" أعتقد الفرق واضح بين الهديتين بس الوردة تبقى أغلى عندي من السوليتير مليـــون مرة


    لأن الحب بقيمته المعنوية مش بقيمته المادية الحب احساس قبل ما يكون عطاء ولما بهدي اللي بحبه بعد كدة اي هدية مش علشان اقوله شوف انا جبتلك اية وبكام ولا شوف انا عملت علشانك اية لأ دة علشان بس اشوف الفرحة والسعادة في عيون حبيبي " شاروخــــان " ودي عندي بالدنيــا كلهــا
    وعلى فكرة برضه أعتقد شاروك كمان بيفرح بالهدايــا البسيطة أكتر من الهدايــا اللي بفلوس


    يعني مثلا عشان بس اثبتلكوا ان فرحته مش بالفلوس شاروك لما كلنا وقفنا جمبه ساعة المشكلة بتاعة فيلم ماي نيم از خان اللي كانت مع شيف سينا شوفوا فرحته بينا كانت عاملة ازاي وفضل يقولنا انا دلوقتي عرفت انكوا بتحبوني مش مجرد لأني ممثل أو اني وسيلة تسلية ليكوا بأفلامي لأ انتوا بتحبوني أنا فعلا كنت حاسة بالسعادة في كلامه بجد سعادته هنا كنت حساها من قلبه أكتر ما حسيتها لما " سندي " اشترتله قطعة من القمر الحب اللي بجد اللي من القلب هيوصله ومن غير حاجة خالص ولو بكلمة واحدة هيحس بيه وهيوصل لقلبه لأنه طالع برضه من القلب مش الحب اللي طالع من المحفظة ولا من البنك

    وسؤال كمان لو الحب بالفلوس أو بالهدايا معنى كدة اللي ميقدرش يعمله حاجة أو ميعرفش يعمله حاجة يبقى مش بيحبه بالعكس دة ممكن يكون بيحبه أكتر مننا كلنا بس الظروف والامكانيات مش مساعداه على دة


    اللي انا عايزة أقوله ان حبنا لشاروك عمره ما يتقاس بمنتدى بفلوس ولا بسايت ولا وبهدايا ولا بأي حاجة الحب اللي بجد لما نلاقي شاروك بيكتب في التويتر أنه تعبان نحس بالألم فينا احنا قبل ما هو يحس بيه
    لما نقرا خبر انه عنده مشكلة كبيرة كلنا نقف جمبه بأحساسنا الاول مش بفلوسنا لحد ما مشكلته تنتهي
    لما نلاقي حد بيغلط فيه أو بيكتب تويت فيه اهانة ليه نحس ان الاهانة دي اتجوهتلنا احنا قبل ما تتوجهله هو
    الحب لما يتأخر عن التويتر يومين ونبقى هنتجنن من القلق عليه ونفضل نبعتله عشان يرجع مش كل اللي يبقى شاغل بالنا هنعمل اية عشان نوريهوله عشان نقول انه رد علينا
    هو دة الحب اللي بجد اللي من القلب اللي هو يحس بيه فعلا ويقدره ويبقى اغلى عنده من الهدايا اللي بفلوس


    مش يبقى هو بيكتب انا تعبان وعيــان وانا افضل ابعتله السايت بتاعي عشان يشوفه واجري اقول شاروك شاف السايت شاروك رد عليــا فين الحب هنــا

    المهم يا حبايب الملك شاروخــان احنــا كلنــا اتجمعنــا هنــا وعرفنــا بعض وبقينا مملكة رائعة افتخر بيهــا وافتخر بأنها مجانية لأنها معمولة بقلوبنا مش بفلوسنا بسبب الكينج وبسبب حبنــا ليه اللي من قلبنا مش بسبب مين دفع اكتر
    ربنا يخليلنا الكينج شاروخان وينفضل متجمعين على حبــه دايمـــا

    -----------------------------------------
    رســالة موجهــة لتوفي ربنا يخليكي لينــا يا توفي لأنك عملتيلنا أحلى مملكة بجد افتخر بيها وافتخر اني عضوة فيهــا لأن مملكتنا الحب فيها موجود في كل موضوع وكل خبر وكل صورة وكل كلمة اي عضو بيكتبها بتبقى من قلبه بجد
    بجد أجمل مملكة وأجمل اعضــاء ربنا يخلينا لبعض

    ____________________________________________
    أحبــــــك يا ملك قلبي .. أحبـــــك دون أن اعبر أو أكتب أو اقول .. لأن حبـــك بقلبي لا يمكن أن توصفه حروف ولا أشعار ولا اي شئ في الوجود يمكن ان يصف حبي لك
    بحبــــــك يا شـــــاروك


    =======================================================================
    [ندعوك للتسجيل في المنتدى أو التعريف بنفسك لمعاينة هذه الصورة]
    Without you ♥ there'd be no sun in my sky ♥ there would be no love in my life ♥
    there'd be no world left of me ♥♥♥

    [ندعوك للتسجيل في المنتدى أو التعريف بنفسك لمعاينة هذه الصورة]

    If I had to choose between loving you and breathing ♥
    I would use my last breath to tell you ♥ I LOVE YOU ♥♥ King Of My Heart ♥♥♥

    yoyo srk
     

    انثى
    عدد المساهمات : 2441
    تاريخ التسجيل : 10/04/2010
    العمر : 20
    الموقع : قلب شاروخان
    العمل/الترفيه : متابعة الملك شاروخان
    المزاج : بحب شاروخان جداااااااااا

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف yoyo srk في الخميس 23 سبتمبر 2010, 10:30 pm

    توفى احلى واحسن واطيب اخت فى الدنيا والله انا اللى بموت فيكى بجد انتى غالية عندى اوى اشكرك جدا جدا جدا على تعبك ومجهودك وبسببك عرفت اصحاب كتييييييييير بجد ربنا يخليكى ليا انتى ومشمشة وباقى الاعضاء
    اما بالنسبة للمزاد اللى بتتكلمه عنه ده على رأى مشمشة
    انا شايفة برضو ان الحب مش بالفلوس اكيد وكلنا عارفين كدة كويس اوى حبنا ليه بيبقى فى الفرح و نشاركه حزنه كمان دى اهم حاجة زى ان لما بيغيب مثلا نسأل علية نكتبله عشان يدخل مش عشان يرد علينا فيها فرق احنا كلنا اكيد بنبقى قلقانين عليه اوى والا لما يبقى عيان بقى دى بتبقى مصيبة ههههههه ربنا يحميه ويحفظه ..

    و مش معنى ان سيت بفلوس وكمان كل اللى همهم ان شاروك يشوف ده ويرد عليهم من رأيي ان ده مش حب الحب الحقيقى انك تعملى الحاجة من غير ما تنتظرى مقابل زيك يا توفى كدة انتى عملتى المنتدى قبل ما شاروك يدخل التويتر يعنى مكنش فى دماغك الكلام ده وبجد انا بحترمك جدا برنسيسة يا توفيك


    =======================================================================
    اذا كــان للـوسامة عنــوان فـهو * شـــاروخـان *

    [ندعوك للتسجيل في المنتدى أو التعريف بنفسك لمعاينة هذه الصورة]


    [ندعوك للتسجيل في المنتدى أو التعريف بنفسك لمعاينة هذه الصورة]



    ToFyTa
     
     

    انثى
    عدد المساهمات : 2833
    تاريخ التسجيل : 22/10/2009
    العمر : 29
    الموقع : || مَعآآه فين ما يكون ~
    العمل/الترفيه : كل حياتى متابعه حبيبى شاروك
    المزاج : فى حاله حب دائمه مع الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ToFyTa في الخميس 23 سبتمبر 2010, 11:14 pm


    ميـرسى اوى يا تومتى .. انا اقل بكتير من كل الشكر ده .وربنا يعلم انا بحبكم قد ايه مش عارفه بحس ان كل واحد فيكم فيه نفس الحاجه اللى جوايا .. بمعنى حبكم لشاروك اللى ملهوش مقابل ده .. وكلكم شاروخانيات عساسيــــــــل اووى Wink Wink Wink

    والاهم المشترك مبتحبوش جورى البوبى هههههه

    ميـــرسى ع زوقك يا حبيبتى وربنا ما يحرمنى منك .. وانا يشرفنى انى اتعرف عليكى يا توما والله ..
    ------------------------------------------------



    شـــووووشتــى .. كلامك كله صح .. الحب فعلا مش بمقابل ومش بالفلوس .. مهما طولت فى الكلام مش هوفيكى حقك والله .. يابت هنتفهم غلط هههههههه .. ربنا مايحرمنا كلنا من بعض يا قلبى ولما شاروكى يجى مصـر نقابلوا كلنا هههههههه lol!


    -----------------------------------------------

    ربنا ماحرمنى منك يا يويو الاخوات مفش بينهم اى شكر يا حبيبتى .. ربنا يخلينا لبعض .. والله اللى بيحصل ده ناتج عن عمل جماعى كلناااا بنقوم بيه كلنا وانا مبسوطه اننا متجمعن فى حب شاروكى وعندك حق فى كلامك



    منتظــره باقى الناس





    sora
     

    انثى
    عدد المساهمات : 8
    تاريخ التسجيل : 03/09/2010
    العمل/الترفيه : افلام شاروووووو
    المزاج : ميه ميه

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف sora في الخميس 23 سبتمبر 2010, 11:18 pm

    اولا كده انا لسه جديده معاكم هنا فى اجمل مملكه
    وبجد انا اصلا متابعاها من زمان بس سجلت قريب
    لانها فعلا من اجمل المنتديات لمحبين شاروخان
    والكلام اللى انتى قولتيه جااااااامد جدا ووافى اوووووووى
    بجد بتبذلو مجهود عالى اذا كان هنا او فى الفيس بوك او التويتر
    انا مش فاهمه فلوس ايه اللى الناس بتحسبها بيها [ندعوك للتسجيل في المنتدى أو التعريف بنفسك لمعاينة هذه الصورة]
    وفى الاخر شكراااااااااااااااااا ليكم بجد على كل اللى بتقدموه [ندعوك للتسجيل في المنتدى أو التعريف بنفسك لمعاينة هذه الصورة] [ندعوك للتسجيل في المنتدى أو التعريف بنفسك لمعاينة هذه الصورة]

    زهرة الربيع
    عضو متالق
    عضو متالق

    انثى
    عدد المساهمات : 1288
    تاريخ التسجيل : 21/05/2010
    العمر : 28
    الموقع : جنة شاروخان
    العمل/الترفيه : متابعة اخبار الملك
    المزاج : الملك وبس

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف زهرة الربيع في الخميس 23 سبتمبر 2010, 11:46 pm

    توفيتا انا في الحقيقة ماعندي خوات ولا اخوة يعني وحيدة اعتقد ان الله اعطاني اروع جوهرة واطيب اخت بالعالم هي انتي واعضاء المملكة اخلاقك الطيبة وتواضعك وقلبك الحنون هو اللي جذبني للدخول الى اروع مملكة بالعالم هذي هي اخلاق شارو يجب على كل شخص يقول بانه يحب شارو ان يتعلم منه التواضع والمحبة اكثر ما يعجبني فيه هو التواضع اتمنى من كل قلبي ان التقي بكي في يوم من الايام
    اعتقد ان كلمات الشكر والمديح والثناء قليلة بحقك

    نادين
    عضو متالق
    عضو متالق

    عدد المساهمات : 1093
    تاريخ التسجيل : 31/05/2010
    الموقع : جاره شاروخان

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف نادين في الجمعة 24 سبتمبر 2010, 2:28 am

    احبكم جميعا وانتم اكثر من اخوات لي
    ن اشتركت في منتدى وعرفت اشياءكتير عن شاااارو والفضل لكم وكفايه يجمعنا حب الكنغ الله يسعدكم
    اشكرك ياتوفي ع مجهودك الكبير لو يعرف شاااارو حبك الكبير له حيترك جوري ويتزوجك ع طول

    nana
    عضو متالق
    عضو متالق

    انثى
    عدد المساهمات : 1045
    تاريخ التسجيل : 12/09/2010
    العمل/الترفيه : ... LOADING
    المزاج : Gooood

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف nana في الجمعة 24 سبتمبر 2010, 4:11 am

    في البدايه انا جديده بس بجد توفيتا وباقي الاعضاء اللي يتعبوا على الترجمه والاخبار وكل شي يخص شاروخان ويقدموه للمملكه بكل حب وتواضع اكيد هذا هو الحب من دون مقابل وكلمات الشكر حقيقيه ماتكفي واحلا شي في المملكه ويميزها البساطه والكل تحسه قريب من بعضه واخر شي انا بجد ممتنه وفخوره اني معاكم

    salasel
    المراقبه العامه
    المراقبه العامه

    انثى
    عدد المساهمات : 2780
    تاريخ التسجيل : 11/07/2010
    العمر : 34
    العمل/الترفيه : مملكة الكينـــج خــــــــان
    المزاج : cool

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف salasel في السبت 25 سبتمبر 2010, 12:59 am

    السلام عليكم ورحمة الله وبركاته


    أولا بشكرك يا توفي انك طرحتي الكلام في الموضوع ده مع ان في كلام فيه ديقني

    وعامة ردي علي الكلام ده رد بسيط انك تسيبي الي يكلم يكلم والي يقول يقول المهم انتي أنجزتي ايه

    وانا من رأي الشخصي مش مجامله ان المنتدي هنا رائع كلمه قليله عليه

    لان فيه بساطه وعفويه في التعامل والكلام ما بينا مفيش رئيس وعصو والحورات الفاشله دي

    وانا عن نفسي وقولت الكلام ده قبل كده أنا دخلت منتديات كتير جدا كنت باخد الي انا عيزاه وبخرج

    وعمري ما شاركت في رد الا بقول مشكور واخرج عشان الموضوع يتفتحلي


    اكيد لما هغير نظرتي في منتدي وأشارك فيه وأرد وأنزل مواضيع يبقي اكيد المنتدي شدني

    والمنتدي فعلا الي شدني فيه العفويه في التعامل بينكو وبين بعض حبيت ده كتير غير شكل المنتدي والتفاعلات والمواضيع الي فيه

    وطبعا انو لشارو خان اكيد يعني مش هنكر خير الراجل انو عرفني عليكو

    عشان كده بقولك سيبك من الي يقول خلي الي يقول يقول هو الكلام بفلوس يا توفي( نفضي يعني من الاخر )

    وانا بتمني بجد ان مستوي المنتدي يكون دايما وبشكرك انتي مشمشه وكل الي تعبو في اقامة المنتدي الجميل ده

    معلش رغيت كتير بس الكلام الي اتقال استفزني شويه









    =======================================================================


    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذا الرابط]

    قلبSRK
    عضو نشيط
    عضو نشيط

    انثى
    عدد المساهمات : 577
    تاريخ التسجيل : 08/03/2010
    العمل/الترفيه : حب شاه روخ خان
    المزاج : عالى لما بشوف الكينج خان

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف قلبSRK في السبت 25 سبتمبر 2010, 1:42 pm

    توفى حبيبتى اكيد انتى عندك حق الحب مش بالفلوس
    واكيد االى عاب فى المنتدى بتاعنا انسان حقود وعنده نقص
    لان الانسان ده تملى تلاقيه بيدارى خبته بفلوسه

    احنا كلنا بنحبك يا توفى وبنموت فى منتدانا الجميل وبنموت فى احلى واجمل كنج فى الدنيا

    وربنا يخليكى لينا يا قمر ويخلينا كلنا لبعض ودايما نكون متجمعين فى منتدانا الجميل اللى من غير فلوس اللى احنا بنفتخر بيه مع حبيبنا شارو

    وبشكر طبعا كل اعضاء المنتدى الجمال وكل مجهوداتهم الرائعة وربنا ميحرمناش من بعض ابدا


    [ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط][ندعوك للتسجيل في المنتدى أو التعريف بنفسك لمعاينة هذا الرابط]

    عاشقة شارو
     

    انثى
    عدد المساهمات : 3472
    تاريخ التسجيل : 13/03/2010
    العمر : 27
    الموقع : عالم شارو
    العمل/الترفيه : متابعة اخبار حبيبى
    المزاج : رومانسى

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف عاشقة شارو في السبت 25 سبتمبر 2010, 3:13 pm

    توفى حبيبيت قلبى بجد انا بشكرك من كل قلبى على
    كل الى بتعمليه عشانا وعلى المملكة الجميلة
    الى ديما مجمعانا
    وانا والله بحبكم كلكم جداااااااااااا
    وبحب اقضى الوقت معاكم
    وانا مع مشمشة فى كل الى قالته

    ToFyTa
     
     

    انثى
    عدد المساهمات : 2833
    تاريخ التسجيل : 22/10/2009
    العمر : 29
    الموقع : || مَعآآه فين ما يكون ~
    العمل/الترفيه : كل حياتى متابعه حبيبى شاروك
    المزاج : فى حاله حب دائمه مع الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ToFyTa في الإثنين 27 سبتمبر 2010, 12:49 am


    ميرسى ليكم يا حبايبى كلكم .. انتم كلكم اخواتى وحبايبى .. كلامكم ع راسى من فوق وانا والله بعتبركم كلكم اخواتى ...




    وعايزة اقولكم حاجة مهمه جداااا .. الرجاء الاتنباه واضح ان اصحاب النفوس المريضه بيتابعونـا وشافوا الموضوع بتاعنا ده وعملوا ريبورت سوء استخدام فينــا .. علشان المنتدى يتقفل ودى اول مره تحصل فى المملكه عندى .. هههههه انا بقولهم كويس احنا مش بندخل عندكم وانتم بتابعونــا ههههههه يبقى احنا اكييد الافضل ومن زمان كنا كدا






    افرحوا يا حبايب الملك .. احنا الافضل لان قلوبنا انضف بكتيييير اوى


    nana
    عضو متالق
    عضو متالق

    انثى
    عدد المساهمات : 1045
    تاريخ التسجيل : 12/09/2010
    العمل/الترفيه : ... LOADING
    المزاج : Gooood

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف nana في الإثنين 27 سبتمبر 2010, 2:45 am

    توفيتا ماعليكي عقول مره صغيره اكيد مقهورين ولازم يتابعونا لان البقاء للافضل ونحنا على طول الافضل اكيييييييييد

    ashakat_srk
     

    انثى
    عدد المساهمات : 20
    تاريخ التسجيل : 14/08/2010
    العمر : 26
    العمل/الترفيه : عشق الكينج شاروخان
    المزاج : رايق لما اشوف الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ashakat_srk في الإثنين 27 سبتمبر 2010, 3:01 am

    بجد مش عارفة اقولك ايه بعد اللى قالوه حبايب المنتدى ياتوفي ياوردة المنتدى احنا كلنا بنحبك وعايزة اقولك اني انت بتعملي الصح وسيبك من العالم ديه اللى حبها بفلوسها مش بقلوبها
    ويارب يخلينا لبعض ويخلي شارو حبيب قلبي وقلوبكم لينا

    salasel
    المراقبه العامه
    المراقبه العامه

    انثى
    عدد المساهمات : 2780
    تاريخ التسجيل : 11/07/2010
    العمر : 34
    العمل/الترفيه : مملكة الكينـــج خــــــــان
    المزاج : cool

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف salasel في الإثنين 27 سبتمبر 2010, 4:06 am


    ينفع كده يا توفي جواسيس في المنتتدي
    أفرضي حد قالع راسو ولا حاجه العمل هيبقي ايه دلوقتي

    بس انا مبسوطه من الكلام ده اكيد ده بيثبت ان المنتدي ملفت للنظر بدرجه كبيره وان المنتدي الحمد لله ناجح

    أتمني انهم يستمتعو معانا انشاء الله >>>>> فراسه قديمه انا

    فكروني يا توفي بحقد سلمان علي شارو حبيب قلبي

    وفي النهايه بشكر كل جاسوس وجاسوسه علي مرورهم في منتدانا الجميل ومتقطعوش الجوبات

    وبقولك يا توفي الف مبروك علي النجاح الباهر ده وانشاء الله في تقدم مستمر حبيبتي ليكي وللمنتدي بتعنا


    =======================================================================


    [ندعوك للتسجيل في المنتدى أو التعريف بنفسك لمعاينة هذه الصورة]
    [ندعوك للتسجيل في المنتدى أو التعريف بنفسك لمعاينة هذه الصورة]

    [ندعوك للتسجيل في المنتدى أو التعريف بنفسك لمعاينة هذا الرابط]

    Lucky Hadeer
    عضو متالق
    عضو متالق

    انثى
    عدد المساهمات : 1330
    تاريخ التسجيل : 07/07/2010
    العمر : 26
    الموقع : live in Mum heart
    العمل/الترفيه : keep trying to make Mum Happy
    المزاج : (Kabhi Alvida Na Kahina)

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف Lucky Hadeer في الإثنين 08 نوفمبر 2010, 5:06 am

    الموضوغ دة كان تايه عني فين
    انا عمري ماتخيلت اللي قالته توفي
    بجد الحب مش فلوس مين الحمار اللي معتقد كدة

    انا قرفانة ازاي يكون دة ممكن كل حاجة عاوزينها بالفلوس حتي الحب
    استغفر الله العظيم
    اناغضبت جدااااااااا انا جدمش قادرة اتخيل دة
    عموما توفي قدمتلي انا حاجات كتير كفاية انها حمتني بفضل الله من حاجات كتير قوي الله اعلم بيها
    وخلتني احب الحياة بصنع اصدقاء جدد
    بجد يا توفي لو شفتك هانحني واحيكي

    إيزيس&خان
     

    انثى
    عدد المساهمات : 10
    تاريخ التسجيل : 03/11/2010
    العمر : 26
    الموقع : قلب شاروخان
    العمل/الترفيه : حب شاروخان
    المزاج : رومانسيه

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف إيزيس&خان في الإثنين 08 نوفمبر 2010, 12:28 pm

    توفي بجد انا بحبك
    على فكره انا بموت بشعب مصر ونفسي ازور ام الدنيا
    وانا حتكلم زيكو كده مصري وربنا يأدرني
    علشاني تعرفي بنحبك اد ايه
    لو في حد حيشكر التاني حنشكرك كلنا لانك بمجهودك انتي واختك مشمشه والبنات الي بجتهدو
    بموضيعهم المميزه
    اتجمعنا هنا وبكفي ان إلوبنا ع بعض
    وكلنا بنحب شارو
    والحب مايتادرش بكام

    بحبكو كلوكوshah rukh khan lovers

    نورسين
    عضو جديد
    عضو جديد

    انثى
    عدد المساهمات : 2
    تاريخ التسجيل : 03/11/2010
    العمل/الترفيه : الرسم
    المزاج : متوسط

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف نورسين في الثلاثاء 09 نوفمبر 2010, 12:45 am

    شكرا جدا ياجميل انتي متوضعه جدااا وده يشرفني اني اكون فرض من ااسره الجميله دي بجد لان شاره انسان جميل ويستاهل الناس الجميله كلهم يجمعو ويحبو وبجد مش عرفه اقوللك ايه مرسيي علي الكلام الجميل اللي انت قولتيه.. نورسين

    lucky girl
    عضو متالق
    عضو متالق

    انثى
    عدد المساهمات : 1301
    تاريخ التسجيل : 03/07/2010
    العمر : 26
    الموقع : Hadeer's Dil
    العمل/الترفيه : I live to let her fine
    المزاج : الحب جنة لمن أحب شخص مثلك والموت أفضل لمن ليس له حبيب مثلك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف lucky girl في الثلاثاء 09 نوفمبر 2010, 3:29 am

    ميرسي ليكي يا توفيتا انتي اللي دايما مجمعانا بهالأسرة الحلوة والحب ما بيحتاج انا نعبرعنه بأي شكل لأن الحب في القلب وهو لغة العيون وأنا سعيدة كوني واحدة من المملكة وانا تعرفت هون على أجمل صديقات مشتاقالكم كتير ونفسي اشوفكم لو مرة

    زوجة شاروخان
    عضو جديد
    عضو جديد

    انثى
    عدد المساهمات : 2
    تاريخ التسجيل : 23/10/2010
    العمر : 21
    العمل/الترفيه : طالبه
    المزاج : سعيده

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف زوجة شاروخان في الأحد 21 نوفمبر 2010, 9:33 am

    انا بشكرك على كل مجهود سويتيه علشان زوجي

    ToFyTa
     
     

    انثى
    عدد المساهمات : 2833
    تاريخ التسجيل : 22/10/2009
    العمر : 29
    الموقع : || مَعآآه فين ما يكون ~
    العمل/الترفيه : كل حياتى متابعه حبيبى شاروك
    المزاج : فى حاله حب دائمه مع الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ToFyTa في الأحد 21 نوفمبر 2010, 5:31 pm

    بجد ميرسى ليكم جميــعا انا بحبكم كلكم .. واشكركم ع دعمكم وربنا يعلم انا بحب المملكه هنا قد ايه من وجودكم ولما بلاقى حد مش موجود ومدخلش بقلق يكون فى حاجة .. ربنا يخليكم لعائلاتكم كلكم .. واحنا كلنا من جميع البلاد العربيه متجمعين فى حب انسان واحد ..ربنا يحميه لينا ويخليه

    محبة شاروخ
    عضو نشيط
    عضو نشيط

    انثى
    عدد المساهمات : 562
    تاريخ التسجيل : 10/11/2010
    العمر : 20
    الموقع : عايشة فى قلبى مع شارو
    العمل/الترفيه : متابعه اخبار شارو
    المزاج : مجنونة

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف محبة شاروخ في الأحد 21 نوفمبر 2010, 5:43 pm

    وان بجد يا بنات بحبكم جدا رغم انى ماتعرفتش عليكم كلكم بس حبتكم اوى وما اقدرش ما ادخلش المملكة ليوم بجد شارو بيعمل خير من غير ما يعرف جمع ناس وحببهم فى بعض بسبب حبهم ليه
    بجد شارو اروع واحلى واجمل انسان فى الدنيا
    ربنا يخليه ويحفظه ورجع التويتر تانى عشان انا هجنن

    ToFyTa
     
     

    انثى
    عدد المساهمات : 2833
    تاريخ التسجيل : 22/10/2009
    العمر : 29
    الموقع : || مَعآآه فين ما يكون ~
    العمل/الترفيه : كل حياتى متابعه حبيبى شاروك
    المزاج : فى حاله حب دائمه مع الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ToFyTa في الأحد 21 نوفمبر 2010, 5:46 pm

    ان شاء الله هيرجع يا هوبــا كلنا بنحاول نكتبلوا يمكن يكون موجود وبيشوف الكلام ويرجعلنا .. ربنا معاه يا حبيبتى

    محبة شاروخ
    عضو نشيط
    عضو نشيط

    انثى
    عدد المساهمات : 562
    تاريخ التسجيل : 10/11/2010
    العمر : 20
    الموقع : عايشة فى قلبى مع شارو
    العمل/الترفيه : متابعه اخبار شارو
    المزاج : مجنونة

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف محبة شاروخ في الأحد 21 نوفمبر 2010, 5:51 pm

    يارب يا توفى يارب انا كل شوية ابعتله وابعت لبريانكا عاوزاه يدخل عشان بجد انا كده هجنن مش عارفه اركز ف المذاكرة ولا اعمل حاجة خالص بجد يارب يدخل يااااارب

    عيون الحب
     

    انثى
    عدد المساهمات : 2000
    تاريخ التسجيل : 01/06/2010
    الموقع : في قلب و روح شاروك
    العمل/الترفيه : متابعة اعماله
    المزاج : مجنونه بحبه

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف عيون الحب في الأحد 21 نوفمبر 2010, 5:55 pm

    انا بقول لتوفي متزعليش نفسك يا توفي وسيبي اللي يتكلم يتكلم هما تلاقيهم بيقولوا كده علشان غيرانين من منتدانا ومش عارفين يعملوا زيه واقوللك حاجه كمان والله انا شفت منتدايات كتير وقليل عمري ما شفت زي المنتدي ده ولا استريحت الا معاكم لسبب بسيط اننا كلنا مجتمعين في حب رجل واحد بل اعظم واحن واحد في الدنيا حب حب بجد مش حاجه تانيه بحبكم اوي

    lulySRK
     

    انثى
    عدد المساهمات : 81
    تاريخ التسجيل : 10/04/2010
    العمر : 26
    الموقع : مش راسية على بر
    العمل/الترفيه : وانا وراية غيره متابعة شاروخان
    المزاج : يبقي احلى لما بشوف شاروخ

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف lulySRK في الأحد 21 نوفمبر 2010, 6:39 pm

    اولا يا توفي انا كنت مكسوفة ارد على موضوعك لاني من كتر اللي جوايا مش لاقية كلام اقوله بس اللي اقدر اقوله اني حسة ان حب البنات اللي في المملكة دي بيا اناكمان طبعا يمكن اكبر من حب العالم كله ليه وحسة ان احنا اكتر من اخوات واحنا بس اللي فاهمين بعض في النهاية بدعي ربنا يجمعنا في الخير وعند الكعبة نتقابل مع بعض ويا رب نفضل نحبه ونحب بعض دايما

    roz
     

    انثى
    عدد المساهمات : 10
    تاريخ التسجيل : 28/10/2010
    العمل/الترفيه : بدون
    المزاج : رايق

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف roz في الأحد 21 نوفمبر 2010, 10:42 pm


    بحبكم اوي وخاصه توفي



    عذبة السجايا
     

    انثى
    عدد المساهمات : 31
    تاريخ التسجيل : 25/11/2010
    الموقع : تآئهه في عالم الاحزان
    العمل/الترفيه : النت
    المزاج : متحمســه

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف عذبة السجايا في الجمعة 10 ديسمبر 2010, 7:01 am

    وااو ,, ماشاء الله عليك توفيتا
    انتي وباقي البنات .. كفيتو و وفيتوو بجد
    وافتخر اني فرد من اسرة المملكه يااريت لو اقدر اتوااصل معاكم
    بالتويتر او الفيس بووك
    واعمل اشياااء لو كانت بسيطه لاكنها تعبر لو شيئ بسيط
    عن اللي جوانا

    بجد الملك علمنا ( الحب بدون شرووط )
    انك اذا حبيت شخص مو شرط هو يحبك او يفضل معااك طوول عمره
    انت حبيته زي ماهوو وبدون مسااومه ..
    لان لو دخلت المساومه . والشرووط .. مارح يكون ( حب )
    تفضل تحبه كل يوم كئنك تحب لاول مره
    وتستمر في حبك حتى بعد مايموت حبيبك ,, ( بعد الشر )
    وهذا هو الحب الحقيقي
    وهذا اللي تعلمته من شاروو
    ولا احد يستحقه غير ملك القلووب شاروو

    مشكوووره علا هذا المجهود الجبااار
    هذا هو الحب الحقيقي توفيتا وباقي اخوانا في المملكه
    لازم نحافظ عليه وعلا كل كلمه اتعلمناها من حبيبنا واخونا وابونا
    ومعلمنا الاول
    شاروخان

    احبكم
    عذبة السجايا ^_^

    شمعة حياة
    عضو جديد
    عضو جديد

    انثى
    عدد المساهمات : 1
    تاريخ التسجيل : 10/12/2010
    العمل/الترفيه : لا يوجد
    المزاج : متقلبة المزاج

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف شمعة حياة في الجمعة 10 ديسمبر 2010, 5:50 pm

    شاروخان ما في شخص مثله هو واحد و أنتي عملتي ألي عليكي و كلنا زيك

    توتو
    عضو مشارك
    عضو مشارك

    انثى
    عدد المساهمات : 388
    تاريخ التسجيل : 17/10/2010
    العمر : 38
    الموقع : قلب شاروحان
    العمل/الترفيه : حب شاروخان
    المزاج : من عشاق شاروخان

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف توتو في الجمعة 10 ديسمبر 2010, 7:08 pm

    بصراحة توفى كلامك رائع وخارج من القلب والذى يخرج من القلب يدخل الى القلب مباشرة لان الحب لايقدر بمال وبصراحة اناعمرى مااشتركت فى اى منتدى قبل كدة ودخولى الى هذا المنتدى جاء عن طريق الصدفة وكانت احلى صدفة لانى بجد اتعرفت على احلى اصدقاءفى الدينا مشاعرهم صادقة ونادر اذا وجدت هذة المشاعرة الصادقةو حب بلا مقابل ومجهودات رائعة تبذل بدون انتظار اى مقابل ربنا معاكم ويوفيققكم ويخلينا دايما لبعض

    هدوء المشاعر
     

    انثى
    عدد المساهمات : 54
    تاريخ التسجيل : 26/02/2011
    العمل/الترفيه : صور شاروخان
    المزاج : اكون سعيده لما اشوف افلام شاروخان

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف هدوء المشاعر في الأحد 27 فبراير 2011, 2:35 pm

    شك شكرا على الكلام الرائع جدا وتسلم يدك

    شاروخية
     

    انثى
    عدد المساهمات : 19
    تاريخ التسجيل : 15/03/2011
    العمل/الترفيه : COMPTABLE
    المزاج : good

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف شاروخية في الثلاثاء 15 مارس 2011, 5:50 pm

    أعتقد إن الحب عمره ما يقاس بالمال مع إني على إستعداد إني أصرف كل ما أملك مقابل إني أشوف شاروخ ولو للحظة واحدة
    بالنسبة لي مع إني أكييييييييييد لن أصل إلى مستوى مجهودكم وتعبكم في سبيل حب شاروخان لكن على الأقل أنا بحاول أدافع عنه في كل مكان أروحه وأي موقع أدخله لآآآآازم أوصلهم صورة حلوه لشارو وجمهوره وكم من مرة بكيييييت لمجرد إني أشوف واحدة أو واحد من جمهور فنان معين بيغلطو في شارو مش بنام لغاية ما أخليهم يعتذرو ويغيرو نظرتهم وخصوصا جمهور سلمان (كم أكرهووووووووووووو)
    وهذا من وجهة نظري أنا أعتبره تعبير ولو بسيط عن حبي لشارو

    ranosh
     

    انثى
    عدد المساهمات : 193
    تاريخ التسجيل : 17/10/2010
    العمر : 27
    الموقع : فى القلب
    العمل/الترفيه : اسمع اخبار الملك
    المزاج : حب الملك

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف ranosh في الأربعاء 16 مارس 2011, 4:51 pm

    شكرا ليكى بجد توفى وانتى دايما مجمعانا على حب شارووووو وكمان عرفتينا من خلال الممكلكة على احلى واجمل واطعم اصدقاء فكلام العالم كلة ميكفكيش شكرااااااا بحبكم جداااااااااا يا احلى ممكلة امووووووووووووووووووووواة
    [ندعوك للتسجيل في المنتدى أو التعريف بنفسك لمعاينة هذا الرابط]

    &عاشقة شاروخان&
     

    انثى
    عدد المساهمات : 31
    تاريخ التسجيل : 18/03/2011
    الموقع : فى قلب شارو
    العمل/الترفيه : مشاهده افلام شاروخان
    المزاج : رومنسيه

    مثبت رد: هـام لكل حبايب شاروخان/ علشـــان بنحـب شاروخان .. ^_^

    مُساهمة من طرف &عاشقة شاروخان& في السبت 19 مارس 2011, 2:10 am

    بجد منتدى رائع
    وميرسي يا توفي ع المجهود

      الوقت/التاريخ الآن هو الإثنين 05 ديسمبر 2016, 1:34 pm