ارجوووووووووووووو الاهتمام

ازيكو ياقمرات
انا النهارده وانا بلف في المنتدى لاحظت لخبطه جامده جدا معرفش انتو كمان لاحظتوا ولا لا

اولا - قسم فيديوهات الكنج
1-فيه قسم فرعي في فيديوهات الكنج اسمه (اعلانات نجوم بولييود) طيب ليه بتحطوها في فيديوهات الكنج مش احسن تحطوهات في قسم نجوم بولييود

2-فيه بردو قسم فرعي اسمه حياة الكنج بالصوت والصوره الاسم كويس لكن لما تدخلي جوه تلاقي مواضيع وقصص عن حياته مفهاش لاصوت ولا صوره طب ليه نحطها في قسم الفيديوهات


ثانيا-مكتبة الكنج خان

ودي لاحظت فيه كوكتيل جواها صور اريان على نجوم الهند على اخبار شاروخ
طيب ليه ؟ المفروض الصور في قسمها والاخبار في قسمها واللي يخص نجوم بوليود في قسم نجوم بوليود

ثالثا -انا بقترح قسم تصاميم للكينج طبعا قسم في الفيديوهات وقسم في الصور
بدل مانحط اربع اقسام
قسم للتواقيع
قسم للرمزيات
قسم للخلفيات
قسم للمتحركات

وطبعا ضروري قسم تصاميم اعضاء المملكه في الصور والفيديوهات

يعني دول شوية مقترحات من جوله سريعه

ايه رايكم ياقمرات

والله عندك حق يا دندن شكرا يا عسل وانا معاكى فى كلامك دة طبعا وبالزات حكاية التصاميم

فيه ايه ياجماعه المشاهدات توصل30 ومافيش الا عشاقه ترد وتقول رأيها وانا بصراحه احب اهنيها على ردها
الموضوع يابنات اقتراحات بس يعني موضوع مش محتاج جرأه ولا حاجه عشان تدخلوا وماتردوش
يعني اذا كنتوا شايفين انه اقتراحاتي مش في محلها قولوا رايكم
عادي يعني
هو المنتدى دا مش زي بيتكم ولا ايه

انا كمان معاكي يانور

بس مااعرف اذا يتقبلون الانتقاد ذا مع انه في مصلحه المنتدي ولازم كل وحده تشوف خربطه تنبه الاداره عليها ويكون بصفا ومحبه كله من اجل رقي مملكتنا مملكه الكنج شاروخان وانشاء الله يكونوا اكثر انتباه من اجل مملكتنا وشكرا يانور على موضوعك

وكمان لاحظت فيديو الاسبوع لكن مش فاهمه فيديو الاسبوع نحط فيه الفيديوهات على اساس ايه
انا شفت جواه اعلانات على تصاميم ...الخ
عاوزه افهم مين اللي بيختار الفيديو ولا هو اللي عايز يحط ولا ايه بالضبط

والله عندك حق يا نورا شكرا يا عسل وانا معاكى فى كلامك وانا مع ميرا فى كل كلامها

والله يانوره يعجبني فيكي تفاؤلك اتحدى اذا
حد عبرك
دا انتي خدتي لفه سريعه اومال لو لفتي كويس تعملي ايه دا انتي حصوتي
وماحدش حيرد عليك يابنتي انتي بتنفخي في قربه مقطوعه

ميرسى جدا يا دانو

انا معاكى جدا

احنا فعلا لازم يا جماعة يبقى فية شوية نظام هو احنا بنحط وخلاص

وبعدين يا دانو انا برضو معاكى فى ان لازم يبقى في قسم للتصاميم

ودى يا جماعة مش مسالة جراءة

دى مسالة حب واخلاص للمنتدى

عايزين نخلية زى الاول

احسن منتدى للكنج

بس مين يسمع قولو يارب

ويارب كمان الموضوع يا دانو ما يتحذفش

ميرسى يا دانو ع الموضوع

هههههههه ميرنا انتي عسل والله خلاص ماتفرقش معايا يتحذف ولالا براحتهم

ميرا وامواج انتو عارفين قد ايه بحبكم ميرسي على مروركم ومشاركتم

برافو نورا انتى بجد خايفة على شكل ونظام المنتدى وانا طبعا معاكى ياقمر

دانة معلش يا دانة بس ممكن فى ناس ميعجبهاش الموضوع فبتقول تكبر دماغها ومتردش بس بجد اما معاكى يعنى انا مثلا هتعلم التصميم افضل اسأل البنات احطها فين يعنى ولا ايه مش فاهمة
ياريت حد من المسؤلين يردوا علينا

كويس انك انتبهتي

وانا معاكي قسم فيه تصاميم الكينج

انتي مهتمه كتير لمنتدى ارشح لك مشرفه

...انا ماغلطت على احد والكلام مش كبير خالص بس انتي اللي مكبراه

والحكايه انه انا اتحديت نوره وقولتها ماتعب نفسها لان مافيش حد حيسمع ليها وفزت بالتحدى

وهذا هو اللي حاصل

والعيب فين ياسلاسل مش عارفه صراحه

صلوا على النبى عليه الصلاة والسلام
بصى انا يا ايمى ببتدى من نفسى دلوقتى بلاقى نفسى حاطة الموضوع غلط بعمله كوبى وامسحه وانقله فى مكانة الصح قبل ما حد يرد عليه
والله انا ابتديت اغير نفسى فعلا وانتى كلامك صح مية فى المية يا سلسلة ياعسل بس هى تقصد اللخبطة الى حالصة فى المنتدى وان انتوا المفروض تنقلوا الحاجات دى لاقسمها ولو مثلا فى فيديو بايظ او حاجة تمسحوه
وعلى فكرة يا سلسلة يا عسل انا ساعات بلاقى صور فى مواضيع قديمة مش ظاهرة بتبقى بيضة بس كدة ومكتوب عليها كلام
بس احنا الغلطانين فى الاول وفى الاخر لان احنا الى لخبطنا الحاجات دى
انا بقول عن نفسى am sorry
وعلى العموم حصل خير وبقول من دلوقتى مش عاوزين خناقات ولا حاجة اصد كل مرة يحصل كدة فخايفة شويتين
ومرسى

بصى يا ايمى انتوا كل مرة اما تعملوا موضوع زى دة تتخانقوا فقلت انبه هههههههههههههههه
ويارب يكون فى عونكم يا ايمى والله حاسة بيكم

على فكره انا بقبل النقد بمنتهى السهوله ومعنديش مشكله فى كدا واى حد بيراسلنى علشان حاجة انا بلبى طلبه بمنتهى الصدق والسرعه يعنى مش بلاوع مع حد واعتقد ان سوا انا او المشرفه العامه اللى هى ميشو او سلاسل كتبنا مليوووون مره ان المنتدى محتاج شغل جماعى مننا كلنا مش انا بس او اى حد مشرف بس علشان فى مليون ايد يتعمل موضوع ...

بس اوعدكم ان المنتدى قوانينه هتمشى ومش هتهاون مع حد


بالتوفيق

[/size]

ازيك ياايمي
انا عملت الموضوع لكن مقولتش الغلط على مين ومحطيتش نسب ومعليش الواحد في الميه دي خليها عندي ههههههه
كل الحكايه انا لاحظت لخبطه ومحملتش حد معين غلط انا طرحته من اهتمامي وعشان الكل يشوف غلطه فين ونتعاون مع بعض
وبالنسبه لقسم اعلانات بوليود مكانه غلط عشان اللي عاوز يحط اعلان لنجم غير شاروخ مش هيفكر يروح يبحث في فيديوهات شاروخان هذا اكيد هيروح على طول لاقسام بوليود
من هنا وعشان كذا انا ذكرت هذا الشي املا في التغيير
والمكتبه لاحظت فيها كركبه جامده فلما انا اطرح الموضوع الكل هينتبه وكمان عشان تشتغلوا فيها اكتر يعني في نقل وترتيب الموضوعات وهذا كله مش يعني تقصير ياايمي انتي ليه بتاخذي كلامي دايما من الناحيه السلبيه
لكن زي ماقالت توفي مليون ايد بتكتب مواضيع فلازم الشغل يتضاعف والمسؤليه بتزيد عليكي الله يكون في العون
وفيديو الاسبوع انا مكنتش فاهمه ودلوقتي فهمت تعملي ايه انا مخي تخين لازم حد يفهمني معليش غلبتك معايا هههههه
وانا بصراحه دخلت عشان ارد على الموضوع عشان عرفت انه توفي زعلت وللامانه الشديده جدا توفي بتساعد الكل ومتعاونه لابعد حد ومافيش زي توفي ابدا في تعاملها مع الاعضاء صحيح انا مجتليش الفرصه اني اتكلم معاها لكن انا مشتركه قديمه هنا ومتبعاها من زمان وكانت في منتهى الزوق ومع الكل