حكاية ايشواريا راي ( Queen of bollywood)

أول واحد دخل حياتها العاطفية سلمان خان , وبدت علاقتهم من سنة 1999



وطلعوا مع بعض قدام وسائل الاعلام , واستمرت

علاقتهم لحد سنة 2001 , في هالسنة انفصلوا عن بعض ,,

وصرحت آش ان السبب راجع لسوء معاملة سلمان لها وسبب اهاناته وخيانته لها ,

بس هو نفى هالشي قدام وسائل الاعلام
..............



ثاني واحد فيفك اوبروي , بدت علاقتها معاه بفترة من عقب سلمان ..

لكن للأسف فشلت علاقتهم وماستمروا مع بعض

, وحتى قبل لاتفشل العلاقة صارت

مشكلة بينه وبين سلمان لما اتصل فيفك وهدد

سلمان ان يبتعد عن آش ومايغلط عليها بالكلام

بس سبحان الله الدنيا دوارة وبالأخير ماكان حق هالاثنين نصيب فيها



لكن عقب ومع مرور الأيام والسنين لقت آش

قلبها يدق للمثل ابهيشك بعد فلم قورو اللي جمعهم

ويقال في بعض الصحافه انهم حبو بعض بعد فيلم
دوم 2


وبعدها قررت ايشو انها تستقر في كنف هذي العيلة الكريمة



سنة 2007 , الله تتم على خير في

هالسنة تم اعلان خطوبتها وزاجها من ابيشك بن أميتاب بن باتشان ..

بعد سلسلة من التكهنات والأقاويل حول علاقتهم
وفي 14 يناير 2007 تم اعلان الخطوبة , والي

أعلنها شيخ القبيلة أميتاب بن باتشان

وانشر خبر زواجهم في أرجاء الهند السعيدة

, وكانوا الناس والصحافة منتظرين هاليوم على أحر من الجمر

وكان أكثر حدث تكلمت عنه الصحافة, زواج ديانا الهند من تشارلز

وتم توزيع بطاقات العرس بين الاهل والربع ,,

البطاقات كان تصميمها حلو وفريد من نوعه

البطاقة كانت في علبة مستطيلة ذهبية , ومعها

بعد علبتين , مصمم عليهم شكل حرف A

على اسم ايشواريا وابيشك , ونفس تشكيل

الحرف كان على العلبة والبطاقة نفسها ,,

العلبة الثانية كانت فيها شوكلاته فاخرة جايبينها مخصوص من سويسرا

اما العلبة الثالثة منقوش عليها الاله حقهم ( Ganesh ) ..

بطاقة العرس نفسها كانت 6 صفحات ,, الصفحة

الثالثة منها كان مكتوب فيها قصيدة ( بدايات جديدة )

هذي القصيدة كتبها ابو أميتاب والشاعر المعروف هاريفاش راي باشان

الصفحة الرابعة والخامسة مكتوب فيها عن الدعوة حق حفل الزفاف والمكان ,

الي هو في بارتيكاشا Prateeksha , وكان مكتوب بالهندي والانجليزي ..

الصفحة السادسة مكتوب فيها عن التفاصيل

الاحتفالية حق حفلة السانجيت Sangeet ,

الي هي في يوم 18 ابريل , وموعد يوم الزفاف الي هو 20 ابريل ..

الصفحة الأخيرة من البطاقة مكتوب فيها أسامي

عيلة باتشان الكريمة وعيلة راي ,

وبعض أسامي ربعهم المقربين واسم عامر سينغ وهو صديق مقرب لهم ..

وفي كل صفحة من صفحات البطاقة توقيع والدين العريس والعروس

هذي صور من صفحات البطاقة .


قبل العرس وفي ليلة الحنه تم طلب 15 كيلوغرام

حنه من Sojat في راجستان مخصوص بس لهالليلة

في 20 ابريل 2007 عرسوا , وفقا للطقوس

الهندية التقليدية لمجتمع جنوب الهند الي تنتمي لها آش

وجرت مراسم الشادى المميز
في حفل خاص في منزل آل بتشان الكريم في مدينة جوهو في مومبي

وبالرغم من ان العرس كان خاص بس للأهل وربع

العيلة , الا ان وسائل الاعلام تلقفت في السالفة
وكان في حشود غفيره من الصحفيين والاعلامييين برا البيت , ومن هاليوم صاروا السوبر كابل في وسائل الاعلام الهندية .