ممـلـكــة الكـنــــج خــان

اهلا بيك وسط اسره محبـى الكينج خــان .. شاروخــــــــان

شاروخــان _ SRK _शाहरुख खान

المواضيع الأخيرة

» king of romance
أمس في 12:45 am من طرف poosy

» king of romance
أمس في 12:16 am من طرف poosy

» كل ما يخص اخبار فيلم happy new year لشاروخان وديبكا وابهشك باتشان
الإثنين 17 نوفمبر 2014, 1:47 am من طرف saher

» فيلم شاروخان الجديد على هذا الموقع
الجمعة 07 نوفمبر 2014, 11:31 pm من طرف abore

» اكتب ماتشعر به الان وستجد من يسمعك
السبت 01 نوفمبر 2014, 7:33 pm من طرف نادين

» فيديو شاروخان فى برنامج Indian Idol Junior (Top 8)
السبت 25 أكتوبر 2014, 2:04 am من طرف Donia Sakr

» حلمتى فى يوم تكونى بطلة افلامه
الأحد 28 سبتمبر 2014, 2:22 pm من طرف جاسمين

» موسوعة افلام الكنج شاروخان جميعها بروابط فعالة وحديثة لكل عشااق الكنج
السبت 20 سبتمبر 2014, 5:30 am من طرف larosha

» بنأة على طلب الاعضاء موسوعة افلام شاروخان وكاجول معا بروابط فعالة ^______^
الجمعة 01 أغسطس 2014, 4:25 am من طرف منال على

» تعلم اللغه الهنديه
الإثنين 14 يوليو 2014, 1:28 am من طرف امبراطور الانمي

» فيلم كاجول واجاى ديفجان وحب النصيب Pyaar To Hona Hi Tha 1998 مترجم وعلى اكثر من سيرفر والروابط تماما
السبت 12 يوليو 2014, 9:31 pm من طرف عيون الحب

» ضيف جديد عليكم
الخميس 10 يوليو 2014, 9:16 pm من طرف عيون الحب

» فيديو وصول الكينج خان للمغرب اليوم و الاستقبال الحافل له .
الثلاثاء 01 يوليو 2014, 4:20 pm من طرف عيون الحب

» حصريا فلم ra.one مترجم بالعربية بجودة dvdrip
الإثنين 30 يونيو 2014, 11:24 am من طرف ملك الحصريات

» تستحقى يا حبيبتى
الإثنين 30 يونيو 2014, 11:24 am من طرف ملك الحصريات

    حياة شاروخان الشخصيه ( جزء 2 )

    شاطر

    متيمة بحب شاروخان
    ~ مُشــرفة ~

    انثى
    عدد المساهمات: 7268
    تاريخ التسجيل: 17/06/2012
    العمر: 32
    الموقع: عيون شارو
    العمل/الترفيه: متابعة اخبار الكينج
    المزاج: تماااااااام
    23062012

    حصرى حياة شاروخان الشخصيه ( جزء 2 )

    مُساهمة من طرف متيمة بحب شاروخان

    color=black]صانعة افلام تحولت الى صحفية و توطدت صداقتها مع شارو الناشره للموضوع التالى هى Samar Khan

    عرفت شاروخ على مر 15 سنة . و كتبت عن حياته الشخصية ما يلى : ( عرفت شاروخ من 15 سنه فى مراحل حياته المختلفه , انه ليس من

    الصعب التعامل معه و لكنه مشغول جدا بصورة دائمه . و تحتوى السيرة الشخصيه على ملاحظات كثيره و تناقش جوانب متعددة من حياه

    شاروخان , منها ال IPL و ملكيته للبناء الاثرى منزله حاليا ( مانات ) و عن منزله فى دبى و ايضا عن كيفية ان حياه النجم وحيده ! Sad Sad Sad Sad

    و تقول سمر هناك اشياء من الممكن انكم لا تعلمونها عنه مثل :

    1-شاروخان دائما ما يقول bye لطاقم العاملين فى الفيلم فى بدايه اليوم و بعد ان صادقته لمدة 15 عاما اصبحت تلك عاده بالنسبه لها هى

    الاخرى .

    2-يعشق شاروخ ركوب الدراجه كلما يكون فى لندن و يقودها فى منتصف الليل مع اريان !


    3-عندما يقوم بزياره لاى بلد او مدينه فانه يحب ان يعرف عنها كل شئ مثل تاريخها و المناخ و اماكن الترفيه ( مثلا عندما زار سان فرانسيسكو

    اراد معرفة كل المعلومات الخاصة ب Golden Gate و يطلب ان يعرف كل المعلومات حتى لو كان امرا مملا لمن حوله فانهم لا يملكون الا

    ان يستمعوا اليه بابتسامه على وجووههم

    4- بعد الاستيقاظ صباحا كل يوم يحتاج لساعة و نصف تماما لنفسه لا يقابل فيها احد او يتحدث مع احد ( اهم حاجه عندى ما يكلمشى البومه مراته

    ).

    5-من افضل العاب الكمبيوتر لديه : Trivial Pursuit و الوحيد اللى ممكن يهزمه فيها هو ابنته سوهانا .

    6-يكره شاروخ ان يتم التقاط صور له و هو ياكل الطعام ولا يسمح لاحد ان يصوره فى تلك الحاله .

    7- بالنسبه لاصحابه يعتبر ( جليسة الاطفال الرسميه ) حيث ان اصدقاؤه يمكنهم القيام بالرحلات او السهر و ترك اطفالهم معه و هو لا يمانع بالقيام

    بتلك المهمه .

    8-من العقد الماضى و هو يحتسى القهوة فى نفس ال mug المعدنى و يصطحبه معه فى كل مكان

    9-مازال يتعامل مع نفس الماكيير نفسه من 20 عاما و هو Ravi Dada من ايام ما كان يصور فيلم Dil Aashna Hai و قام Ravi

    بعمل ال ميك اب له و لكن قريبا جدا من الممكن ان يتولى ابن Ravi تلك المهمة

    10- يشعر شاروخ انه فقد خلال العشرون سنه الماضيه الاتصال مع اسرته الكبيرة ( العائلة ) بسبب انشغاله المتواصل و انه لم يقوم

    بواجبه نحوهم كما ينبغى .
    11- عندما ينتهى من تصوير فيلم , يستغرق فى shower طويل مدته ثلاث ساعات و يعتقد ان تلك طريقة ممتازه للتخلص من system

    الفيلم الموجود بداخله .

    12- عندما نال درجه الدكتوراه الفخريه من احدى جامعات UK قفز فرحا و هو يرتدى ثوب التخرج بسبب انه حينما كان فى الجامعه المليه

    الاسلاميه من وقت طويل مضى لم يتمكن من حضور حفل التخرج الخاص به !

    تم نشر تلك المعلومات فى جريدة Hindustan Times و ان شاء الله سيكون هناك ( جزء 3 ) ايضا
    [/color]


    عدل سابقا من قبل متيمة بحب شاروخان في الثلاثاء 24 يوليو 2012, 12:12 am عدل 3 مرات
    مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

    مُساهمة في الأحد 24 يونيو 2012, 5:53 am من طرف نسرين سعيد

    ميـــــــــــــــــــــرسي ياقلبي على المعلومات دي تسلم ايدك

    مُساهمة في الإثنين 25 يونيو 2012, 1:48 pm من طرف متيمة بحب شاروخان




    و ده جزء ( 3) و تكملة لما سبق عن شارو :

    1- معروف عن شارو انه ممكن ان يتناول دجاج ال ( تندورى ) حتى لو ثلاث وجبات يومية فى الافطار و الغداء و العشاء!












    2- بعكس ما يعتقد البعض انه يحب الخروج و السهر كثيرا , فانه يفضل البقاء فى المنزل و حتى لو مدة اسبوع كامل و لا يفتقد اى شئ بعدم خروجه .



    3- يدقق بشدة فى مقاسات البنطلون ( الجينز ) فيجب ان يكون القياس مضبوطا تماما والا غضب ( و طبعا مفيش حد يقدر على زعل القمر !!





    4- اول سيارة اشتراها كانت Range Rover.


    5- اشترى لنفسه اكبر ماكينة الية لصنع ال Espresso , و من المعروف عن شارو عشقه للقهوة السوداء القوية ( و السجائر طبعا !) .














    -احب فيلم لديه قام هو ببطولته هو Kabhi Haan Kabhi Naa و قام بالبطولة معة Suchitra krishna moorthi و

    Deepak Tijori . و ايضا الجميلة جوهى تشاولا










    7- من الادوار التى يتوق للقيام بها ادوار : باتمان و سبايدر مان و جيمس بوند






















    9- سالوه عن الفاكهة التى يشبهها فقال بالهندى ( Kaddu ) وتعنى ( قرع العسل بس هو فعلا عسل و سكر !)







    10- كان دائما يقول ان والده يشبه الممثل الاميريكى ( جريجورى بيك )






    و ان والدته تشبه الممثلة ( واحيدة راحمان )





    11- كان برنامجه التليفزيونى المفضل Krishi Darshan اما الان فيحب مشاهدة كل البرامج على Discovery Channel

    و يشاهد المسلسل الامريكى Desperate Housewives ( مع البومه مراته )





    12- نوعيه النظارات الشمسية التى يفضلها هى ماركة Tom Ford






    13-من الشخصيات التى انبهر بها شخصية ( الام تيريزا ) .







    14- من وجهة نظرة ان اجمل نساء العالم هما الممثلتيين الهندييتين ( سايرا بانو ) و ( ممتاز )

    دى ممتاز ( born in 1947

    و دى سايرا بانو :

    و سايرا ( born in 1949)


    15- كان شاروخ - و برغم وقت مرضه و العمليات الجراحيه التى اجراها فى كتفه الايسر و رقبته و ركبتيه - حريص على ان يصوم فى شهلر


    رمضان حسبما استطاع يومين او ثلاثة او اكثر برغم الادويه التى كان و لابد ان يتناولها و ارهاق السفر و العمل الشاق المتواصل !





    و معروف ايضا ان التمزق اصاب كتف شاروخ الايسر و كانت الاما مبرحة اثناء تصوير فيلم Dulha Mil Gaya. و اجرى العملية الجراحية فى مستشفى Mumbai" s Breach Candy Hospital .


    16- الطبيب المعالج لشاروخ هو (Ali Nasrin ) , و يتابعة دائما فى مستشفى Balabhai Nanavati و هى نفس المستشفى التى اجرى

    فيها ( اميتاب باتشان ) عمليته الجراحيه .


    و ان شاء الله ساستكمل ( جزء 4) فيما بعد













    عدل سابقا من قبل متيمة بحب شاروخان في الثلاثاء 24 يوليو 2012, 12:17 am عدل 2 مرات

    مُساهمة في الإثنين 25 يونيو 2012, 9:34 pm من طرف متيمة بحب شاروخان



    مصدر المعلومات التى احضرتها هو :


    1- Hindustan Times

    2- Movie talkies

    3- Bollywood Hungama

    4- Planet SRK

    مُساهمة في الإثنين 25 يونيو 2012, 10:06 pm من طرف نسرين سعيد

    ميــــــــــــــــــرسي ياشيرين ياقمراية على المعلومات دي تسلم ايدك

    مُساهمة في الثلاثاء 26 يونيو 2012, 1:07 am من طرف متيمة بحب شاروخان



    العفو يا نونوس يا حبيبة قلبى . و ان شاء الله هيكون فى تكمله للحوار





    مُساهمة في الثلاثاء 26 يونيو 2012, 7:12 am من طرف عاشقة شارو

    ميررررررررررررررررررررررسى حياه
    كان فى فعلا حاجات اول مرة اعرفها

    مُساهمة في الثلاثاء 26 يونيو 2012, 11:22 am من طرف متيمة بحب شاروخان

    و نستكمل الحوار اليوم ان شاء الله :


    1- فلسفة شاروخ فى الحياة ( Even if you are not hungry , just be greedy ) و ممكن ترجمتها وليس حرفيا فتعنى ان تنال

    من الحياة كل ما تريد و حتى ما يعطى لك وانت لا تريده .

    2- كانت والدته تقول له دائما (
    You should eat food you like , and wear clothes that people )

    like و تعنى كما نقول فى مصر ( كل اللى يعجبك و البس اللى يعجب الناس )


    3-يخاف شارو من ركوب الاحصنة !!


    4- يعشق سيارات ال BMW .


    5- كان لديه ثلاث كلاب اليفة Chewbecca و Rebecca و Tobecca و لكن Rebecca ماتت .


    6-ماركة السراويل الجينز المفضلة لدية : AG BRAND .

    7- افضل مكان بالنسبة له يرتاح فيه و يسترخى بعيدا عن كل الضغوط المحيطة به هو : حجرة نومه و حجرة الكمبيوتر .

    8- لفترة قصيرة حين كان شابا صغيرا ادار مطعما فى منطقة Darya Ganji فى نيو دلهى . كما كان والديه اصحاب مطعم De Ramble
    و يوجد اعلى بازار Balika فى نيو دلهى .

    9- لا يحب اللجوء لطعام المطاعم الخارجية و لكن يفضل الطعام المنزلى و لو اضطر الى الاكل فى الخارج سوف ياكل بيتزا او

    Macdonald"s لان اولاده يفضلونه .

    10-يقول ان الطعام لا يشكل جزء اساسى فى حياته فاحيانا ينسى تناوله طوال اليوم و من الممكن ان يعيش فقط على الخبز الجاف و الماء

    ( شايفين التواضع ) .


    11- يعشق تناول ( الكافيار ) الدى تقدمه خطوط طيران Air India و يفضل معه شرب البيبسى ,


    12- عندما مر مع اصحابه من زمن طويل امام ( مانات ) و كان بناء اثرى تابع للولاية اشار اليه و قال لاصحابه انه سوف يتملكه فى يوم من

    الايام فضحك اصحابه ( و قد كان ما اراد ! ) .

    13-على الرغم من تناوله اطعمة من مختلف بلاد العالم الا انه يعود للهند و هو يتوق الى تناول ال dal-chawal و هى اكثر اكلة شعبية

    موجودة بالهند تتناولها معظم الطبقات ( ممكن زى الكشرى عندنا فى مصر ) و هى عبارة عن عدس اصفر كبير الحجم مطهو مع طماطم و جنزبيل

    و فلفل اخضر و كارى و كمون و كركم و يقدم معها ارز ابيض .

    14 - طباخه فى ( مانات ) هو الشيف ( محمد شاميم ) م احيانا يتوجه شاروخ الى المطبخ ليجلس هناك و يتناول العشاه معه , و يقول عنه انه

    افضل من يعد له الشطيرة المفضلة عنده و هى anda-double roti و كلمة anda بالهندى تعمى ( البيض ) و roti هو الخبز المنزلى

    الدى تعده كل اسرة فى الهند حتى داخل المنزل و يعنى الاسم شطيرة البيض المزدوجة و ممكن ان يوضع معها خضروات و هنا صورة خبز

    ال roti





    15-قام شاروخ بمساعدة اريان فى صنع Batman cookies فى مرة و يقول انه يستطيع ان يصنع الشاى و البيض و يصنع خبز


    Phulkas جيد جدا و هو ايضا يشبه خبز الroti لحد كبير و دى صورته






    16-يتم تجهيز الاطعمة و المشروبات بصفة دائمة فى ( مانات ) منزل شاروخ تحسبا لقدوم اى زوار و هو لديه فلسفة خاصة تسمى

    ( mehman nawazi ) و تعنى اظهار كرم الضيافة فهو يقول لو جاءك زائر و سالته هل تريد طعاما او شرابا فانه سيخجل ان يقول

    لدلك لابد من وجود كل شئ . ( شايفين القمر ) .


    17-بالنسبه لشرب الكحوليات لم ينفى شاروخ تماما هدا و قال انه من الممكن ان يشرب اثناء حفلات ال Bacardi و هو نوع معروف من


    الخمور و لكنه يقول ان الشرب يرجعه كثيرا للخلف ! ( ومن المعروف ان شاروخ كان فعلا محتسيا للشراب و ثملا اثناء تصوير Devdas

    و فعل معه المخرج هدا حتى يتقن الدور !!!

    18- نصحه طبيبه المعالج Ali Nasrin ان يقلل من شرب القهوة و يتناول حوالى 6 لتر من المياة كل يوم و ان يهتم بصحته و لكن دون

    جدوى ( مازال يحتسى القهوة و يدخن بشراهة ) .

    19- احيانا يدهب شاروخ لاجراء متابعات طبية مع الدكتور Ali فى مستشفى Nanavati Hospital فى طريق

    Swami vivekanand Road Ville Parle West Mumbai و لكن نظرا لانشغاله لا يحدث دلك كثيرا . و دى صورة


    المستشفى


    و للحوار بقية ان شاء الله و شكررا flower flower flower








    عدل سابقا من قبل متيمة بحب شاروخان في الثلاثاء 24 يوليو 2012, 12:24 am عدل 2 مرات

    مُساهمة في الثلاثاء 26 يونيو 2012, 1:16 pm من طرف نسرين سعيد

    ميــــــــــــــــــرسي يا احلى شوشو على احلى معلومات بجد في حاجات اول مرة اعرفها تسلم ايدك ياسكرة

    مُساهمة في الثلاثاء 26 يونيو 2012, 1:20 pm من طرف متيمة بحب شاروخان



    العفو يا قمراية , انا مبسوطة ان الموضوع عجبك و ان شاء الله له بقية

    مُساهمة في الثلاثاء 26 يونيو 2012, 5:20 pm من طرف همسات شاروخ

    واااااااااااااااااااااااااااااااااو تقرير عسل زيك يا شرين

    انت بجد تحفه

    بس انا زعلت موووووووتلما قلتي انه بيشرب خمره يا خساره

    ربنا يهديه ويتوب عليه

    تسلم ايدك يا عسل

    مُساهمة في الثلاثاء 26 يونيو 2012, 5:29 pm من طرف متيمة بحب شاروخان

    و الله ده انتى اللى قمر و عسل و سكر و بيتيفورايه و كل الحلويات اللى فى الدنيا

    اما بانسبة لموضوع الشرب ده فالوسط الفنى كله كده يعنى احنا عندنا الفنانيين المصريين مسلمين معظمهم و مع كده كلهم بيشربوا حتى لو من باب

    المجاملة لزملائهم يعنى ما تزعليش يا قمر و على العموم ربنا يهديه يارب

    مُساهمة في الثلاثاء 26 يونيو 2012, 11:14 pm من طرف جوكاستا

    تسلم ايديكى ياشيرو ياقمر على التقرير الجامد ده عن شارو
    فيه فعلا حاجات مش كنت اعرفها وانا كمان زعلت من حكاية
    شربه وحتى لو مجامله انا عارفه ان الممثلين المصرين بيشربو
    بس شارو مميز جدا بالنسبه ليه عن الممثلين المصرين كفايه قلبه
    واخلاقه وحاجات كتير متعبرش بيها الكتابه بجد ربنا يهديه ويتوقف
    عنها وعن السجاير بالمره وتسلميلى ياقمرايه على مجهودك

    مُساهمة في الثلاثاء 26 يونيو 2012, 11:20 pm من طرف متيمة بحب شاروخان

    العفو يا جوجو يا جميلة و ميرسى على رقتك و لطفك


    مُساهمة في الثلاثاء 26 يونيو 2012, 11:30 pm من طرف shery srk

    ميسرسى يا قمر جدااااااااااااا جداااااااااااااااااا على المعلومات الجامده دى
    بجد تسلم ايديكى يا حبيبتى وبجد كل يوم بحترم شارو اكتر
    هو شخصيه تحفه تحفه عمرى ماشوفت زيها ابداااااااااااااااااا
    ربنا يحميه

    مُساهمة في الثلاثاء 26 يونيو 2012, 11:44 pm من طرف شاروخي حياتي

    [color:c4a2=whiteيجد في حااجاااااااات كتييير اول مره اعرفه
    تسلم ايداااااااك علا معلومات الجمااااااااده ياقمر]

    مُساهمة في الأربعاء 27 يونيو 2012, 12:04 am من طرف عاشقة شارو

    ميررررررررررررررسى يا قمر
    التقرير رائع استمتعت بيه جدااااااااااااااااااااااا

    مُساهمة في الأربعاء 27 يونيو 2012, 12:26 am من طرف متيمة بحب شاروخان


    ميرسى ليكم جدا يا قمرات و ربنا ما يحرمنى من تعليقاتكم الجميلة ابدا


    مُساهمة في الأربعاء 27 يونيو 2012, 9:33 am من طرف the king of hearts

    شكرااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااا استمتعت جدااااا
    بالموضوع

    مجهود كبير منك يا قمر

    الف شكر ليكى

    مُساهمة في الإثنين 09 يوليو 2012, 12:28 pm من طرف متيمة بحب شاروخان




    و نستكمل الحوار اليوم بالحديث عن سكن شاروكى و منزله :


    انتقل شاروخ و جورى الى مومباى قادمين من ( نيو دلهى ) بعد زواجهما ( للاسف !! ) و لم يكن


    عندهما مكانا يستقران فيه فبقيا عند المخرج ( Aziz Mirza ) فى منزله - و يكن شاروخ كل الحب و الاحترام للمخرج الكبير حتى اليوم -


    ثم انتقل الزوجين للعيش فى شقة فى طابق علوى فى مبنى سكنى يطل عل Carter Road و هو من الطرق الحيويه الموجوده فى مومباى


    و لم يكن لديهما اى مفروشات او اثاث فى تلك الفترة حتى انه عندما حضرت والدة جورى لزيارتيهما لم يكن لديهما ( كرسى ) ليجعلاها تجلس عليه


    و جلست و نامت على فرش على الارض مثلما كان يفعل الزوجين ( حسبما ورد فى تصريح ل جورى فى برنامج السيدات الاوائل مع المضيف


    ( ابوسانديب ) .


    و بالمناسبة هناك اربعة طرق حيوية و مهمة جدا فى مومباى هى :


    1- Carter Road

    2- Swami Vivekanand Road و دى صورة له :




    3- Hill Road

    4- Western Express Highway و دى صور له و من الجو كمان :










    هو ده الطريق الى على اليمين .

    و مدينة مومباى رائعة الجمال و بها معالم سياحية كثيرة مثل :

    1- قبة ( نهرو ) الفلكية و حدائق فيكتوريا و متحف امير ويلز و كهوف كانهيرى و هنا شوية صور من مومباى ( بلد الكينج )















    و عندما مر شاروخ من امام ( مانات ) وهى منزله حاليا تمنى ان يتملك البناء الاثرى الدى تتحدث عنه مومباى كلها , و بعد شرائه للمبنى

    اشترطت عليه هيئة حماية الممتلكات الاثرية فى مدينة مومباى عدم المساس باى من الطراز المعمارى للمبنى او لونه الابيض او تصميمه , حتى انه

    عندما حاول شاروخ بناء عدد من المبانى على الاراضى الملحقة بالمبنى ثارت الهيئة و و اجه شارةخ مشاكل قانونية قام محاموه بحلها مع مجلس


    المدينة ! و اهدى شاروخ ( مانات ) ل جورى كهدية عيد ميلادها ( اااااااااااه يا قلبى )

    يعيش شاروخ فى منطقة (Bandra Bandstand ) فى مومباى و هى تعد من ارقى و افخم المناطق من النواحى الاقتصادية و السكنية و

    السياحية ايضا و يطل منزل شاروخ على البحر و ايضا على اشهر مكان فى باندرا و هو ( Bandstand Promenade ) و هو عبارة

    عن ممشى مسافة كيلو واحد على شاطئ البحر فى الجزء الغربى من باندرا و هو متنزه و نقطة التقاء الاحبة


    و دى صور للممشى :













    و يعيش نجوم كثيرين من بوليوود فى تلك المنطقة مثل : سلمان خان و كاترينا كييف و جون ابراهام ... و غيرهم .


    و يفصل خط السكك الحديدية ( Bandra ) الى قسمين : Bandra East و الكود الخاص بها هو ( Code 400050) و

    (Bandra West ) حيث يعيش ( ملك القلوب ) و الكود الخاص بها هوCode 400051) و من الاحياء المجاورة ل باندرا ( Kurla-


    Kher-Mahim-Dharavi . و دى صور لسكة حديد باندرا ( و على فكرة هنا قام شاروكى بتصوير مشاهد Raftaarein فى فيلم


    Ra.One

















    و يقال ان تفصيلا عنوان شارو هو ( و طبعا المعلومات ليست مؤكدة و انما تتضارب الاقوال حولها دائما ) :



    603Amrit Bandra West -Mumbai 400050 Bandra Bandstand


    و من الاماكن التى يرتادها شاروكى كثيرا فى باندرا فندق Taj Lands End حيث تقام فيه اعياد ميلاد اكثر نجوم بوليوود و مناسباتهم


    الاجتماعية و دى صورة للفندق من الدلخل :






    و ايضا من الطرق الحيوية فى باندرا Marine Drive و دى صورته :







    و دى صورة قبة نهرو الفلكية :








    و ان شاء الله سمف يكون للحوار بقية للحديث بالتفصيل عن منزل شارو من الداخل طبقا لمل جاء على لسان الصحفى اللى اجرى معه حوار داخل


    ( مانات ) اما دلوقتى فهاقول لكم باااى علشان مافيش حد ( يزهق ) من درس الجغرافيا و التاريخ اللى انا قدمته النهاردة ( بس عارفين الواحد



    لما بيحب حد بيكون عاوز يعرف عنه كل حاجه و يمكن علشان كده انا اتكلمت بالتفصيل عن حاجات كتير بس علشان اخليكم تشعروا و كانكم



    عايشين شوية فى مومباى بلد اغلى الناس و يارب ما اكونش ضيفة ثقيلة ههههههههههه !!

















    عدل سابقا من قبل متيمة بحب شاروخان في الثلاثاء 24 يوليو 2012, 12:29 am عدل 2 مرات

    مُساهمة في الإثنين 09 يوليو 2012, 1:25 pm من طرف تشاندتي

    مرررررررررررررررررررررررررررررررري ليكي كتير يا احلي بنوته عرفتها
    وعلي فكره انتي مش تقيله خااااااااااااااااااااااااااالص بالعكس وانا انبسط كتيييييييييييييييييييييييييييييييييير من المعلومات الجديده سواء كانت عن شارو او عن مومباي
    ومستنيه الباقي بس متتاخريش عليا

    مُساهمة في الإثنين 09 يوليو 2012, 5:11 pm من طرف متيمة بحب شاروخان


    ربنا يخليكى و ما اتحرمش من لطفك و رقتك و كلامك اللى زى السكر


    انا مبسوطة قوى ان الموضوع عجبك و ان شاء الله هاحاول اكمله قريب بس بياخد وقت حتى انظم كل المنعلومات التى حصلت عليها من كل حدب و


    صوب و انزل كل صورها من على النت و بعدها هانزل الموضوع على طول ماشى يا حبى


    مُساهمة في الثلاثاء 10 يوليو 2012, 11:38 am من طرف متيمة بحب شاروخان

    مصادر المعلومات و الصور كالتالى ؛


    1- www.SRK Times.com


    2- موسوعة ( ويكيبيديا ) .


    3- Bollywood Mantra .


    4- One.india


    5- Movie Talkies


    6- rediff.com


    7- Bollywood Village


    مُساهمة في الثلاثاء 10 يوليو 2012, 2:10 pm من طرف نسرين سعيد

    وااااااااااااااااااااااااااااااااااااااااااااو بجد والله الموضوع تحفففففففففففففففففففففففففففة ياشيرين عجبني موووووووووووووووووووووت والله وانتي والله ولا ثقيلة ولا حاجة انتي زي السكر وبعدين الي يحب حد بيكون عايز يعرف عنه كل حاجة وبالتفصيل الممل وانا بمووووووووووووووووووووووووووووووت في شاروووووووووووووووووو و في الهند كلها دي البلاد المفضلة بالنسبة لي واكثر من بلدي والله وانا صحابي واهلي بيقولولي ياهندية من كثر ما انا بعشق الهند بجد الموضوع فوق الرائع والله مواااااااااااااااااااااااااااااااااااهااااااااااااااااااااااااااات ياقلبي



    مُساهمة في الثلاثاء 10 يوليو 2012, 2:20 pm من طرف عاشقة شارو حتى الموت

    مشكوووووووووووره على الموضوع الجميل هذا

    مُساهمة في الثلاثاء 10 يوليو 2012, 3:53 pm من طرف متيمة بحب شاروخان



    ربنا يخليكم و ميرسى على الكلام الجميل . انا بجد فرحانة قوى ان الموضوع عجبكم و ان شاء الله هيكون فيه المزيد قريبا !!


    و ربنا ما يحرمنى من كلامك الجميل يا ننوستى






    مُساهمة في الأربعاء 11 يوليو 2012, 9:39 am من طرف متيمة بحب شاروخان


    و نبدا اليوم الحديث عن ( مانات ) منزل شاروكى كما وعدتكم :


    بعد ان تملك شاروخ المبنى الاثرى مانات من حكومة الولاية , ترك شقته السابقة الموجودة فى Carter Road و بدا فى تجهيز المنزل الجديد .

    و لم يستعين الزوجين شاروخ و جورى بمصمم ديكور لانها هى من قام بتصميم الديكورات و جمعا كل ما كان يلزمهما من قطع اثرية و تحف و



    مفروشات متنوعة و راقية اثناء رحلاتهما الخارجية المتعددة .



    و يتكون المبنى من ثلاث طوابق و مدخل كبير فخم مقسم كالتالى :


    فى الاسفل يوجد فى المدخل شبابيك زجاجية على الطراز الفرنسى و بها الزجاج الفرنسى الكبير و غرفة المكتب و بها ( فازات ) ايطالية و


    زهور صناعية من اليونان و يوجد بها ايضا احدث جهاز Sony Sound System من اليابان لتشغيل الموسيقى ( يا سلام عليك انت


    يا شارو يا رايق ) و لوحة مصنوعة من الوان الفحم عليها شكل حصان من انتاج الفنان الهندى المشهور M.F. Hussein . ( و من


    المعروف ان M.F.Hussein قام بعمل لوحات فنية كثيرة لنجوم بوليوود مثل ايشيواريا راى و زوجها ابهيشيك باتشان ) كما ان شاروخ


    استعان به لعمل معرض يخصص دخله لصالح الاعمال الخيرية


    ثم تاتى ( حجرة الطعام ) و يوجد بها 12 كرسى مصنوعة من الخشب و الزجاج معا و بجوارها درجات ( سلالم ) تؤدى الى ( بار)



    مصنوع من الخشب و الزجاج ايضا و على الحائط بالقرب من السلالم توجد مجموعة من الصور الخاصة باصدقاء جورى و شاروخ و صور


    الرحلات التى قاموا بها


    و توجد ( طاولة بلياردو ) كبيرة و اكبر ماكينة منزلية لصنع و تقديم المياة الغازية البيبسى ( لان شارو بيشرب البيبسى بدلا عن الماء !!!!!)


    و يوجد مسرح منزلى ضخم به شاشة عرض رفيعة جدا على الحائط و تؤدى تلك الغرفة الموجودة فى مدخل المنزل الى ( تراس ) كبير يطل


    على البحر ودى صورة ل شاروكى



    ( ممكن و النبى لروح اقف جنبه )


    و ده تقسيم المنزل كاملا :


    الطابق الاول : غرفة المعيشة الضخمة جدا و بها تلك اللوحات الفنية .

    الطابق الثانى : و هو الطابق الخاص حيث توجد به غرف النوم و غرف الضيوف .

    الطابق الثالث : و توجد به غرفة المكتب الملحق بها التراس و المسرح المنزلى و غرفة الرياضة التى يسترخى فيها شارو

    و غرفة العاب الكمبيوتر التى يعشقها


    و لقد اهدى شاروخ المنزل كهدية ل جورى فى عيد ميلادها (



    فى الجزء ده سيبونى اعيط بقى



    و دى صور شاروكى كمان داخل مانات :













    و توجد مساحة كبيرة من الارض ملحقة ب مانات و اراد شاروخ انشاء مبانى فوقها و لكن حكومة الولاية و هيئة حماية الاثار قامتا


    بالتدخل لان مانات مبنى اثرى و تعهد شاروخ بالحفاظ عليه و كان على محامو شاروخ العمل على انهاء تلك المشاكل مع الجهات المختصة ,


    و اراد شاروخ بناء مجموعة من الطوابق التى تضم اقرب الناس اليه مثل كاران جوهار و فرح خان و المخرج عزيز ميرزا , عن طريق تاثيث


    استراحات لهم بها مكاتبهم و مطابخ و ريسيبشن و كان شاروخ قد دعا فرح خان للانتقال بجواره و الاقامة مؤخرا . و لكن لا نعرف هل ل


    كاجول و جوهى تشاولا و بريتى زينتا مكان هناك ايضا ام لا حيث انهم من اقرب الناس اليه .



    و دى صورة ل شاروكتى التقطتها له الصحفية الفرنسية اثناء اجراء المقابلة لاحدى المجلات :












    ثم ننتقل الان للحديث عن موضوع اخر و هو ازياء شاروخ :


    من المعروف ان شاروخ و على مدى 20 عاما لا يتعامل الا مع بيت ازياء واحد و هو بيت المصمم ( ناريش روهيرا ) صاحب اشهر


    بيت ازياء فى مومباى اسمه Masculine و هو موجود فى ( باندرا ويست ) و يطل على شاطئ (Juhu ) السياحى و يعتبر من اشهر و


    اغلى شواطئ مومباى من حيث الاقامة فى فنادقة المتعددة او السكن .



    و دى صور ل Juhu beach













    و اول ما جاء شاروخ للتعامل مع ناريش كان خلال تصويره لفيلم Dil Aashna Hai حيث قام ناريش بتصميم الملابس الخاصة به و


    تزامن موعد زواج شاروخ اثناء تصوير الفيلم فطلب من ناريش تصميم بدلة الزفاف له و من هنا بدات الصداقة و الثقة التى استمرت كل تلك الاعوام



    صمم ناريش نحو 1000 بدلة لشاروخ من طراز ال Tuxedo و معظمها سوداء اللون و حاول ناريش كل تلك السنوات ان يقنع شاروخ بتغيير


    اللون الاسود و لم ينجح ابدا لان شاروخ يعشق هدا اللون .


    كما انه يحب ارتداء الجينز المضبوط الحجم و المقاسات و الاحدية الرياضية حتى داخل المنزل و لا يرتدى ال ( شورتات ) القصيرة ابدا .


    السنة الماضية فى العيد طلب شاروخ من ناريش تصميم 2 Sherwani واحد له و واحد لابنه اريان ( و الشيرفانى ) هو الزى الرسمى للرجال

    الهنود و يتم ارتداؤه فى الاعياد و المناسبات المختلفة و دى صورته :





    و صمم ناريش الشيرفانى لهما و كان اسود اللون ايضا . و لم يكن اريان يحب فكرة ارتداء الشيرفانى و كان يفضل ارتداء شئ ( كاجوال )

    اكثر و لكن شاروخ اقنعه .



    و معروف ايضا ان لدى شاروخ اثنين من الاصدقاء المقربين جدا له على مدار 20 عاما و هما من يقوما بعمل الماكياج الخاص به و تصفيف


    الشعر و هما Ravi Dada لعمل الماكياج و Subhash Dada و الاخير يعتبر ساعد شاروخ الايمن .



    انا هاقول لكم BYE دلوقتى يا احبائى و ان شاء الله يكون فى بقية للحوار لاحقا و شكرا على صبركم عليه حتى انتهى من كتابة كل


    الموضوع ده ميرسسسسسسسسى














    عدل سابقا من قبل متيمة بحب شاروخان في الثلاثاء 24 يوليو 2012, 12:35 am عدل 3 مرات

    مُساهمة في الأربعاء 11 يوليو 2012, 12:23 pm من طرف نسرين سعيد

    ميـــــــــــــــــــــــــــــــــرسي ياشوشو على المجهووووووووووووووود الجباااااااااااااااااااااااااااار ده تسلم ايدك ياحبي بجد والله الموضوع خيااااااااااااااااااااااااااااال في حاجات كثيرة مكنتش اعرفها عن شاروووووووووووو و عرفتها عن طريق موضوعك تسلم ايدك ياسكر انتي وشارووووووووووو ماشاء الله ربنا يزيده انشاء الله اميــــــــــــــــــــــــــــن cheers

    وعلى فكرة حتى انا لوني المفضل الاسود ومشروبي المفضل البيبسي بجد

    مُساهمة في الأربعاء 11 يوليو 2012, 12:30 pm من طرف متيمة بحب شاروخان



    و تسلميلى يا نونوس يا قمر و ان شاء الله هاستكمله فيما بعد بشوية موضوعات هتعجبك قوى


    مُساهمة في الأربعاء 11 يوليو 2012, 1:40 pm من طرف همسات شاروخ

    وحشتيني وحشتيني يا شرين ياقمر

    وبجد انت جنان وموضوعك فووووووق الرائع

    انت اجمل انسانه شفتها

    وتسلم تسلم ايدك على الموضوع الي خلى قلبي وجعني زيك

    لما عرفت انه ادى البيت العسل ده هديه لام اربعه واربعين

    حيبس الله ونعم الوكيل

    مُساهمة في الجمعة 13 يوليو 2012, 7:57 am من طرف the king of hearts

    شكراااااااااااااااااااااااااااااااااااااااااااااااااااااااااااااااااااااااااااااااااااا
    على الموضوع الروعه فى انتظار المزيد
    ان شاء الله

    شكراااااااا على مجهودك يا قمر

    مُساهمة في الأحد 15 يوليو 2012, 1:01 pm من طرف متيمة بحب شاروخان

    [color=violet] هاى حبايبى مرة اخرى نستكمل حوارنا اليوم بالحديث عن بلد ملك القلوب و حبيب الملايين /color]


    يعنى ندرس شوية جغرافيا و تاريخ من الى شارو درسهم فى المدرسة عن بلده ههههههههههههههههههههههه !



    نبدا من مومباى : هى عاصمة ولاية ( Maharashtra ) و هى من اكبر مدن العالم بمساحة 344 كم و يبلغ عدد سكانها نحو 12 مليون

    نسمة . وهى تقع على الساحل الغربى للهند بجوار بوابة الهند الشهيرة



    و تتكون مومباى من 7 جزر و عندما اعلنت الهند استقلالها عن الاستعمار البريطانى اتحدت المدينة مع الدولة عام 1960 و اتخدتها


    ولاية ماهاراشترا عاصمة لها و سميت Bombay ثم تغير اسمها الى Mumbai عام 1996 .

































    دى صور القوارب فى ميناء مومباى


    و تتكون مدينة مومباى من جزئين هما : Mumbai City و Mumbai Suburban District .











    و من اشهر المعالم السياحية فى مومباى :



    1- بوابة الهند : او India Gate و هى اسم يطلق على ميناء مومباى و هو اهم ميناء تجارى هندى على ساحل المحيط الهندى و يسيطر



    على تصدير السلع الهندية




    2- فندق ( تاج محل ) و هو من اشهر الفنادق السياحية و اعرقها على الاطلاق و هو اول علامة تم بناؤها على ميناء مومباى ( حتى قبل بناء


    بوابة الهند بنحو 21 سنة ) و استضاف على مدى اكثر من قرن جميع الحكام الهنود و يطلق عليهم ( ماهراج ) و رجال الاعمال و صفوة العالم


    دى صور للفندق من الخارج :




















    و ده الفندق من الداخل :











    و عنوان الفندق : Apollo Bunder-Mumbai 400001 . و بنى من اكثر من 100 عاما .



    3- منتزة ( سانجاى غاندى الوطنى )









    و يضم غابات و رحلات سفارى و ملاهى كبيرة و به ايضا : كهوف ( كانهيرى ) الشهيرة


    وهى كهوف بودية قديمة وهى منحوته فى الجبال غرب مومباى وسط الغابات الخضراء : ودى صور للكهوف :















    و يمكن للزائريين الدخول من الساعة السابعة و النصف صباحا و تعنى كلمة ( كانهيرى ) باللغة البودية الجبل الاسود !


    4- ( مانى بهاوان ) و هو سكن قديم ل ( مهاتما غاندى ) الزعيم الروحى و المناضل الكبير . و يقع فى احد الطرق الهادئة فى مومباى و هو

    الان متحف بسيط به كتب و صور و تدكارات لغاندى .



    5- قبة نهرو الفلكية و مركز نهرو للعلوم ( الصورة وردت مسبقا فى الاعلى ) .


    6- حدائق فيكتوريا او Rani Gigamata Odyan و بها حيوانات نادرة و مهددة بالانقراض و اشجار قيمة و اكتشافات اثرية مثل


    فيل حجرى ضخم عند المدخل تم اكتشافه على جزيرة Elephanta وهى من اشهر الجزر الهندية و سنتحدث عنها لاحقا .



    7- بيت الجمعية الشرعية ( Mantralaya ) .


    8- Air India Airlines .



    9- Marine Drive و هو من اهم الطرق الحيوية فى مومباى و يطل على البحر و يقصده الزوار . صور فوتوغرافية لـ ‪Marine Drive‬ ومومباي (بومباي)
    هذه الصورة الفوتوغرافية لـ ‪Marine Drive‬ إهداء من TripAdvisor



    صور فوتوغرافية لـ ‪Marine Drive‬ ومومباي (بومباي)
    هذه الصورة الفوتوغرافية لـ ‪Marine Drive‬ إهداء من TripAdvisor






    صور فوتوغرافية لـ ‪Marine Drive‬ ومومباي (بومباي)
    هذه الصورة الفوتوغرافية لـ ‪Marine Drive‬ إهداء من TripAdvisor


    صور فوتوغرافية لـ ‪Marine Drive‬ ومومباي (بومباي)
    هذه الصورة الفوتوغرافية لـ ‪Marine Drive‬ إهداء من TripAdvisor




    صور فوتوغرافية لـ ‪Marine Drive‬ ومومباي (بومباي)
    هذه الصورة الفوتوغرافية لـ ‪Marine Drive‬ إهداء من TripAdvisor



    10- برج ( راجا باى ) .


    11- المكتبة الاسيوية .


    12- تاون هول .


    13- المحكمة العليا .


    14- جريدة Times of India .


    15- جامعة مومباى :



    16- Victoria Terminus :







    17- الحدائق المعلقة او Hanging Gardens او تسمى ايضا : Ferozshah Mehta Gardens و دى صور ليها :















    و من اشهر المطارات فى مومباى : مطار مومباى :














    و ايضا مطار ( تشاتراباى شيفاجى ) الدولى و كان يعرف فى السابق باسم مطار ( صحار ) الدولى ثم اطلق عليه اسم ( شيفاجى )


    على اسم الامير الهندى ! و دى صور له :







    و للحوار بقية ان شاء الله بااااااااااااااااااااااى





















    عدل سابقا من قبل متيمة بحب شاروخان في الثلاثاء 24 يوليو 2012, 12:43 am عدل 2 مرات

    مُساهمة في الإثنين 16 يوليو 2012, 12:42 am من طرف متيمة بحب شاروخان




    مصادر المعلومات :


    1- موسوعة ويكيبيديا .


    2- Tripadvisor .


    3- NDTV.


    4- ibn live.in..com


    5- One.hndia


    6- yatra.com


    7- make-my-flight.com

    مُساهمة في الإثنين 16 يوليو 2012, 4:01 am من طرف نسرين سعيد

    احسن دروس جغرافيا وتاريخ سمعتهم في حياتي كلها والله رغم اني مش بحب الجغرافيا والتاريخ عشان كده رحت علمي لكن لما يكون الموضوع عن الهند بحبهم وبمووووووووووت فيهم كمان والله بجد الموضوع ممتع وتحففففففففففففففففففة وجناااااااااااااااااااااااااااااان والله مش عارفة اقولك ايه تسلم ايدك ياشوشو ياقلبي وانا والله بجد نفسي اعرف كل صغيرة وكبيرة على الهند عشان بحبها جدااااااااااااااااااااااااااا ومومباي ماشاء الله حلوووووة اوي كل حاجة فيها حلوة البوابة والجامعة والفندق والحدائق المعلقة والمنتزه والمطارات كلها على بعضها بتجنن بجد نفسي اروح الهند هموت واروحها ولو مرة وحدة بس ياااااااااااااااااااارب cheers cheers


    مُساهمة في الإثنين 16 يوليو 2012, 10:58 am من طرف متيمة بحب شاروخان

    ميرسى يا احلى ننوسة على الكلام الجميل ده و يا رب تتحقق كل احلامك و تزورى الهند فى يوم من الايام ان شاء

    الله

    و علشان خاطرك يا قمر هاكمل الموضوع النهارده و نكمل الحوار عن مومباى :


    هناك العديد من الشوارع الشهيرة فى مومباى و يقصدها الناس للتسوق او النزهة و منها :


    1- Dalal Street و دى صورته


    2- سوق ( كلابا ) و هو من اجمل شوارع المدينة و يقع خلف بوابة الهند و فندق ( تاج محل ) و بالتالى شهرته واسعة و يوفر المنتجات


    الجلدية الهندية و الماركات العالمية الشهيرة و دى صوره :












    و من المبانى الشهيرة فى مومباى : مبنى وزارة المياه و الطاقة





    و ده مبنى وزارة الكهرباء





    و من اشهر المحلات التجارية هناك محل Sheetal و به افخر انواع الاقمشة الهندية و السارى و الانواع باهظة الاثمان


    و دى صور المحل :








    3- سوق ( كروفورد ) :



    4- مجمع ( لوكس التجارى )




    و بما ان الجو عندنا حر قوى فى البلاد العربية كلها ( و الهند حرررر موووت ) خلينا نتكلم عن الشواطئ


    من اشهر شواطئ مومباى :



    1- Chowpatty 1 و دى صوره



    و توجد على جوانب الشاطئ اكشاك لبيع الطعام الهندى التقليدى



    و الشاطئ الثانى هو Chowpatty 2



    3- و طبعا اشهرها على الاطلاق ( Juhu ) فى باندرا ( عند حبيب قلبى شارو























    و الاطعمة الهندية الشعبية تباع فى تلك الاكشاك و منها : Bhel puri و هو من اول الاكلات الشعبية و عبارة عن عدس مطبوخ مع الارز

    البسمتى و عليه صوص حار





    و ايضا ال Aloo pakora و هى عبارة عن شرائح من البطاطس ( Aloo ) تعنى بطاطس بالهندى , و تغمس فى خليط من الدقيق



    الابيض و دقيق الحمص و يضاف عليهم توابل و تحمر فى زيت غزير ( يلا شوية كلام فى الاكل بما ان رمضان قرب )


    و دى صور Aloo Pakora








    و هناك اكشاك الطعام الصينى منتشرة ايضا و اكن الهنود يضيفون عليه توابل كثيرة ليقربوه من الطعام الهندى الاصلى !




    ثم ننتقل للحديث عن ( السكك الحديدية ) فى مومباى : من اشهر محطات القطارات :


    1- Mumbai Bhayandar Railwaystation





    2- Dadar Railwaystation



    3- Churchgate Railwaystation



    4- Mahim Railwaystation



    و لكن تبقى اهم المحطات على الاطلاق محطة قطار ( مومباى ) :



    دى عربة السيدات



    ودى عربات الدرجة الاولى



    و دى العربات العادية :





    و ايضا من المحطات الشهيرة محطة ( فيكتوريا ) للقطارات



    ومن المعالم السياحية الشهيرة ايضا فى مومباى ( متحف الفضاء )











    و من اشر الجزر الموجودة فى مومباى جزر و مغارات ( ايليفانتا ) و كانت مخصصة لعبادة احد الالهة الهندوس و هو Shiva





    و هى كهوف تقع على جزيرة فى بحر عمان .
































    و من المعالم السياحية الشهيرة ايضا فى مومباى ( متحف امير ويلز ) المبنى على الطراز الهندى الاسلامى و يقع داخل المتنزه الوطنى


    و بناه اهالى مومباى خلال القرن ال 20 فى قلب جنوب الهند بجوار ( بوابة الهند الشهيرة ) و سمى



    Chhatrapati Shivaji Maharaj Vastu Sangrahalaya نسبة للامير Shivaji و هو من قام بتاسيس الامبراطورية

    المعروفة باسم ( Maharata ) .


    دى صورة من حديقة المتحف و المدخل



    و ده المتحف من الداخل :








    و دلوقتى هاقول لكم بااااااااااااااااى ولنا لقاء اخر ان شاء الله






    عدل سابقا من قبل متيمة بحب شاروخان في الثلاثاء 24 يوليو 2012, 12:49 am عدل 3 مرات

    مُساهمة في الإثنين 16 يوليو 2012, 11:07 am من طرف متيمة بحب شاروخان



    مصادر المعلومات و الصور الموجودة بالموضوع :


    1- RAYANESTRADA.COM.

    2- Schema-root.org

    3- About.com.org

    4- Times Content.com.

    5- Rekha Inc.

    مُساهمة في الإثنين 16 يوليو 2012, 8:43 pm من طرف متيمة بحب شاروخان




    يلا يا ست نونوس معلومات كتير يمكن تزهقى من قرائتها بس علشلن خاطرك بالتفصيل الممل و ان شاء الله يا نور عيونى هيكون فى موضوعات


    جاية جميلة هتعجبك قوى بس معلش باخد وقت لانى الاول باجمع معلومات و بعدين صور و انظم كل ده و بعدين ابعثه

    مُساهمة في الأربعاء 18 يوليو 2012, 1:30 am من طرف نسرين سعيد

    والله والله والله مش زهقانة خااااااااااااااااالص ياعمري انا بالعكس بستمتع لما يكون الكلام بالتفصيل الممل ومش عن اي حاجة ده عن الهند يعني مليونين في الميه هيعجبني وبلا شك بجد والله تسلميلي ياروحي ربنا يخليكي الموضوع خياااااااااااااال وفوق الرائع قســـــــــــــــــــم سي

    مُساهمة في الأربعاء 18 يوليو 2012, 8:44 am من طرف متيمة بحب شاروخان



    يا واد يا هندى انت cheers cheers cheers cheers cheers


    حلوة يا نونوس حتة ( Kassam si ) دى يا معلم !!


    مبسوطة اوى ان الموضوع عاجبك يا عسولة و ان شاء الله هاحاول اكمله قريبا جدا و ده Mere Kassam


    و كمان يا ننوسة main tumsie piyar karte ho - bohot bohot bohot bohot piyar karte ho


    مُساهمة في الخميس 19 يوليو 2012, 8:37 am من طرف متيمة بحب شاروخان

    ايه يا نونوس يعنى فصلتى ميه و نور زى ما بنقول عندنا فى مصر و لا رديتى على الهندى االلى انا كتبته و لا حاجة !!


    و عاملة لى هندية و بتاع طيب يا ننوسة لما اقول لك انى مدرسة و هاعلمك الهندى تبقى تصدقى و يلا بسرعة ترجمى الحتة دى :


    ( مين سامجى ناهى , كيون توم ياها ناهى هو ) ورينى شطارتك بقى يا اما



    ههههههههههههه فينك يا قمر وحشتينى مووووووووت

    مُساهمة في الخميس 19 يوليو 2012, 1:30 pm من طرف نسرين سعيد

    هههههههههههههههههههه والله انتي الي واحشااااااااني اكثر ياقلبي بس الايام دي بطلع كثير وخرجات ومشاوير عشان كده مش بلاقي وقت ادخل كثيييير
    يلا هبدا الترجمة ياستي انا محدش يتحداني بالهندي تصدقي اتفرجت على فيلم كبهي ها كبهي نا بتاع شارووووووووو من دون ترجمة وفهمته كله
    بصي Mere Kassam دي معناها ان ده قسم منك او وعد منك
    main tumsie piyar karte ho - bohot bohot bohot bohot piyar karte ho ودي معناها انا بحبك كثير كثير كثير كثير بحبك (وانا بمووووووووووووووت فيكي والله ياقلبي تسلميلي )
    ( مين سامجى ناهى , كيون توم ياها ناهى هو ) ودي معناها انا لاافهم لماذا انتي لست هنا
    يلا بقى قوليلي كلامي صح ولا لا رغم اني متاكدة مليونين بالميه انه صح

    مُساهمة في الخميس 19 يوليو 2012, 6:23 pm من طرف متيمة بحب شاروخان

    براااااااااااااااااااااااااافووووووووووو عليكى الترجمة كلها صح يا اروبة






    كدة ابدا انا و انتى ندى خلود و يارا دروس خصوصية فى الهندى و نكسب اد كدة هههههههههههههه


    وحشتينا قووووووووووووووووووووووووى



    يلا انتى بقى اكتبى لى حاجة و انا هترجمها , ماشى

    مُساهمة في الخميس 19 يوليو 2012, 9:12 pm من طرف نسرين سعيد

    يااااااااااااااااااااااااااهوووووووووووووووو
    ههههههههههههههه ما انا قلتلك مش تتحديني بالهندي وعلى فكرة فكرتك حلوووووووووووووووة اوي هنكسب اد كده وملناش دعوة هما اصحابنا ولا لا اهم حاجة المني صح ههههههههههههههههههههههههه
    وانتوا والله كلكوا وحشني اد الدنيا دي كلهااااااااااااااااا يا احلى صحااااااااب مواااااااااااااااااااااااااهاااااااااااااااااااااااات
    يلا بقى ترجمي دي وريني شطارتك ياشوشو

    تم كها هو مي كبسي دوند رهي هو اور تم يها مي تومهارا انتزار هو جلدي او جاني من

    مُساهمة في الخميس 19 يوليو 2012, 9:20 pm من طرف متيمة بحب شاروخان


    ااخ ! ايه الجملة الصعبة دى و الله لاوريكى يا نونوس !!


    بس تعرفى لو انكتبت بالهندى هاعرف افهمها احسن زى كده (AUR TUM ME TUMHARE INTIZAR .........


    المهم اللى فهمته تقريبا : انا مستنيك تعالى بسرعة


    يااااااااااا لهوى مش فاهمة حاجة


    كملى انتى الترجمة و انا هاوريكى

    مُساهمة في الخميس 19 يوليو 2012, 9:54 pm من طرف نسرين سعيد

    ههههههههههههههههههههههه ربعها صح والباقي غلط ههههههههه خيبتي املي فيكي ياشوشو هههههههههههههههه
    بصي هي معناها (اين انتي لقد مرت فترة وانا ابحث عنك وانتي هنا انا في انتظارك تعالي بسرعة عزيزتي )

    مُساهمة في الخميس 19 يوليو 2012, 10:05 pm من طرف متيمة بحب شاروخان



    يا سلام يا ستى ! يعنى رايحة جايبة لى مقطع من فيلم و جاية لى اترجمه يا مفترية



    و تلاقيكى قراتى الترجمة و حافظاها و عاملة لى نفسك هندية و بتعرفى هندى


    تعرفى الجملة الجاية لو كانت صعبة كده هتشوفى

    مُساهمة في الجمعة 20 يوليو 2012, 2:56 am من طرف منى محمد

    اولا ميرسى جدا لسيره حياته اللى انا عارفاها تماما وبعدين ياشيرين تروحى تقفى جنبه فان عايزه تقفى جنب شاروكتى وخلاص

    مُساهمة في الجمعة 20 يوليو 2012, 5:25 am من طرف همسات شاروخ

    تسلم تسلم تسلم ايدك على الشغل العالي ده

    انت بجد ياشيري مبدعه وفقت الخيال

    انا عرفت معلومات عمر اهلي ما كانو هيعرفوها بجد احلى درس تاريخ وجغرافيا درستهم في حياتي مدام منك يا قمر

    ويسلام عليكي انت ونونس وانتم بتكلموا هندي

    انا برضه بعرف اكلم هندي

    ايه رايك نعمل دكتوراه في الهندي

    واحنا التلاته ندرس يارا

    مع اني متاكده ان هيه برضه هتطلع تعرف هندي زينا

    انا بفكر نعمل قسم في المنتدى نسمي تعليم اللغه الهنديه

    ههههههههههههه ايه رايك فكره مجنونه مش كده

    مُساهمة في الجمعة 20 يوليو 2012, 10:51 am من طرف متيمة بحب شاروخان



    ماشى يا دودو نعمل فصول تعليم الهندى و لا يهمك


    و انتى يا ست منى مش عاجبك لما قلت ( اقف جنبه ) ايوه مش مشكلة فين المهم اقف و خلاص فى اى حتة فى التراس اللى كان بيتصور فيه ده .


    انتى زعلانة ليه queen queen لما تبقى تعرفى تقفى انتى هناك ابقى تعالى اتكلمى ههههههههههههههههههههههه



    بلاش الحقد و الفرسة دى lol! lol! lol! lol! lol! lol! lol! lol! lol! lol!

    مُساهمة في الجمعة 20 يوليو 2012, 12:31 pm من طرف نسرين سعيد

    والله العظيم ياشوشو انا مش جايبة الجملة دي من فيلم ولا حاجة ولا قارية ترجمتها بس هي كدا طلعت في بالي وقلتها انا بحلفلك وانا صايمة يعني مستحيل اكذب مي جوت نهي هو مي ستش كهو قسم سي

      الوقت/التاريخ الآن هو الأحد 23 نوفمبر 2014, 3:13 pm