تنبيـــــــه وتحذيـــــــــــر هــــــــام لكــــل الاعضـــــــــــــاء

انا اسفة يا ريت تسامحونى وان شاء الله مش هاعمل مواضيع تانى ولا ردود انا كفاية عليا اشوفكم بس يا قمرات

احنا اسفين يا بنات والله العظيم مش هنكررها تانى يا بنات واحنا والله العظيم مقدرين تعبكم وانا عارفة انكم زعلانين من الوضع الى فيه المنتدى بس انا حاليا بلتزم بالقوانين وانا لو لقيت غلط من عندى هحاول اعدله وشكرا والمفروض كل واحد يبدأ بنفسه مش عاوز العالم يتغير من حوليه محدش يزعل كل واحدة فينا يا قمامير تصلح غلاطتها
وشكرا

صح كلامكم يا بنات

وانا اسفة لو ف مرة خالفت القوانين

وان شاء االله يكون المنتدى احلى من الاول بكتير

والله انا اشوف لو الكلام تقال من قبل شهرين لما كان المنتدى ملخبط ولما كان مافيه احد في المنتدى منكم

يكون افضل

لانه الان انا بشوفه تعدل كتير مش عشان عضوه كتبت موضوع تقلبوا الدنيا علينا

ماشي يافندم الكلام كله على عيني وراسي من فوق

واكيد مقدرين مجهود الكل من اعضاء ومشرفين ومراقبين ولتوفي

وبصراحه لازم نعمل تنبيهات زي كدا كل فتره وفتره عشان محدش يغلط مره تانيه وانا اعتذر لو كان اخطات بحاجه وانا قطعت على نفسي عهد اني مش اعمل زي ماعملت من زمان من غلطات كسفتني بالخصوص مع حبيتي سلاسل وانا كمان نقصتني كتير مساهمات واستغربت من الحكايه وااستفسرت عنها بس مش زعلانه ابدا عشان بجد احنا عاوزين نبني المملكه مش نهدمها وياريت نعمل موضوع بعنون (اخطاءاعضاء المملكه )او اي عنوان عشان كل وحده اخطات في حاجه نقولها انتي غلطي في كدا ومااعتقد ان الموضوع دا يزعل الكل وانا بحب صراحه سلاسل اوي ونبهتنا على اخطائنا المتلتله

وشكرا على التبيهات .

ايه الكلام دا ياميشو هو المنتدي بس انتوا الى مسئولين عنه طبعا لا الكل مسئول هنا وانا بقدر تغيب المشرفين والغايب حجته معاه ولا ايه
محدش يقول انا المسئول كلنا هنا مسئولين من كبيرنا لصغيرنا وماتزعلوش نفسكم ياقمرات والحمد الله على كل حال

خلاص يا بنات اهدوا مش هتتقلب خناق فى الاخر

انا كلنا اخوات وبنحب بعض وبنحب المملكة وهى بيتنا التانى اللى اجمعنا فيه وعرفنا بعض فيه بسبب شارو

احنا عاوزين المملكة تكون احسن بكتير من الاول ويكون المنتدى دااحسن منتدى لشارو على النت

احنا اللى علينا نلتزم بالقوانين

وانا بعتذر لو انا كنت غلط فى مرة

مشمشمه

اولا انا فاهمه كلامك كويس وعارفه ان مش كل الاعضاء البعض منهم وانا بقول رائي بس في الكلام

ان الاخطاء مايتحملوها الاعضاء بس

وانا من رائي لازم من الرقابه لان اي حاجه في الدنيا بتلخبط من غير رقيب وخصوصا اذا عدد كبير وطبعا مااااااااااافيش مشكله

مشمشه انا ما قولتش ابدا انه بسبب اهمالكم المنتدى فقد هويته
انا كلامي كان واضح انا هحقول تاني قصدي بصيغه تانيه اوضح
المنتدى قبل فتره فقد هويته لسببين
السبب الاول انه بعض الاعضاء بيحطوا مواضيع مالهاش علاقه بالمنتدى لدرجه كبيره جدا
السبب الثاني انه مفيش مراقبه للمنتدى ومفيش مشرفين بيدخلوا فيه اهمال للمنتدى
هذا اللي قلته
يعني المسئوليه مشتركه
وبما انك تقولي المنتدى زي بتناواحنا زي العيله تمنيت انك تتقبلي رائي الطرف الاخر وتقولي الكل كان له يد في اللي حصل وانشاءالله يتغير الوضع للاحسن
مش تنفعلي علينا للدرجه دي

بسم الله الرحمن الرحيم
فى الاول احب اشكر مشمشة اوى علشان نبهتنا لحجات مهمة اصلا بيبقى فى مواضيع قديمة طبيعى انها تتمسح علشلن عادىانتى لما بتجيبى مثلا كشكول بعد لما بيتملى اكيد بترمى حتى لو انت كاتبه فيه المواضيع كده بالظبط المواضيع بتنحذف حتى لو مشاركة فيها علشان يبقى فى مكان للمواضيع الجديدة وعلى فكرة حكاية حذف المواضيع دى شى طبيعى جدا وحكاية ان المساهمات شى طبيعى اكتر من المواضيع بالعكس لازم ننقص فى المساهمات
بصراحة انا مخدتش بالى خالص من حكاية المساهمات الى بتنقص لحد لما اتعمل الموضوع انا مش ببص اصلا لمساهمتى ملهاش لزمة يعنى لو زادت او قلة
ده مش حيقصر على اصحابى او مش حيقصر على حبنا للملكة
تانى حاجة انا غلط قبل كده ومشحكسف اقول ان انا غلطت بس حقول الغلطات الى انا عرفاها
1انا قبل كده كررت موضوع بس والله العظيم مكنتش عارفه انه مكرر لحد لما حد نبهنى بس الموضوع ده خلاص مدخلتش فيه تانى بعد كده وقلت يا ريت انه يتمسح

2 قبل كده عملت موضوع وكان موجود عليه اسمى بس مكنتش اعرف انه ممنوع كانت اول مشاركة ليا وطوفى عدلت الموضوع وغيرت اسمه وانا لما عرفت ان اسمه اتغير قلت اكيد انا غلطت فى حاجة بس اتسفتلها وعادى مفرقتش معايا
بس والله العظيم مكنتش اعرف انه ممنوع وانا مزعلتش
بس زعلت لما عرفت ان فى حد زعل مننا
وانا بقول انا اسفة اوى ومش حعمل كده تانى بجد سمحونى وانشاء الله مش حكرر غلطى تانى يا ترى حتسمحونى ؟؟؟

مشمشه رديتي على الكل الا انا مش مشكله سلاسل قامت بالواجب
احب اشكرك على ياسلاسل تقبلك الاراء وانشاء الله الوضع يتحسن للافضل واحنا اكيد مش اطفال والكل حيكون قدالمسئوليه انشاء الله لكن المنتدى فيه اعضاء كتير والكل بيحب يكون عضو فيه فاذا العدد كبر ضروري المتابعه والاهتمام فيه ويدنا على يدكم المنتدى يرتقي

خلاص يا شوشو هدى نفسك يا عسل وطبعا انتى بتتقبلى الاراء وهل يوجد شك انتى والله متفهمة جدا جدا جدا
وبما انى غلطت هعترف بغلطى انا كمان
انا كنت بحط مواضيع بأسمى بس بجد مكنتش اعرف انه مخالف بس حاليا مش بعمل كدة وحتى الردود بقلل منها وبقيت باخد بالى على تصرفاتى
وبعدين يا بنات براحة شوية على المشرفين مينفعش كدة هما تعبوا كتير جدا واحنا فاهمين اصدك يا ايمى انتى وشوشو ويويو وانا عارفة انكم مكنتوش عاوزين تضيقوا علينا يا بنات بس يا بنات العيب علينا كمان
وبالنسبة لسوسو اية الكلام الكبير الى انتى بتقوليه دة ههههههههههههههههههههه براحة يابت شوية ههههههههههههه
وانا حاليا اعتقد انى مبغلطش وبحافظ كويس على تصرفاتى وبعمل مواضيع دلوقتى مش مخالفة
وشكرا يا بنات

ميرسى يا مشمشة اوى على كلامك الى عامل زيك ده عسل
وانا لما حسيت ان انا غلطانه ولما قريت القوانين الى فوق تانى عرفت ان انا غلطت يا جماعة مشمشةبتعمل الى عليها وكل المشرفين هنا بيعملوا الى عليهم هما معتبرنا زى اخةتنا الصغيرة مع كامل احترامى لكل الاعضاء من الكبير للصغير فما مش ممشين الحكاية رسمى انا مشرفة وانت عضو هما كان من الممكن اوى يعملوا التنبيهات دى مرة واحدة بس والى عايز يمشى عليها يمشى والى مش عايز براحته
بصراحة انا مش عايزة المواضيع الى تغلينا نتخانق
وبعدين احنا فى رمضان عايزين الذنوب الى اتغفرتلنا ترجع تانى
وبعدين من ساعات ما دخلت الموضوع ومش شايفة يعنى مشمشة عزمت عليا بقفص مشمش قمر الدين اى حاجة فى مشمش ينفع كده
خلاص يا جماعة كل واحد عرف غلطة وانشاء الله مش حيكرر انا عن نفسى مضمنش
وكل عرف ايه الى ليه وايه الى عليه وبعدين يا مشمش متطلعيش غير فى المصايب كنا بنكلم مع بعض فترة وفجاة غبتى تطلعى دلوقتى احنا عايزين كل المشرفين معانا ليل نهار علشان نقعد نرغى مع بعض
اسفة انى طولت
انتو عارفين الصيام بقى بيخلى كل واحد ينسى القوانين فا ابقوا نزلوها هدية مع كل موضوع ويا جماعة مشمشة مش كده هى بس خدتها الحماسة شوية فكلمت بعصبية شوية وهى طيبة جدا والى فى قلبها على لسانه طبعا ده انا واختلاف الراى لا يفسد للود قضية وبعدين احنا قلبناه محكمة كده ليه خلاص سمو الموضوع الى عايز يعتر ف بغلطه يدخل طبعا ولا واحد حيدخل انا اول مرة اشوف كمية كبيرة جدا من الاعضاء والمشرفين مجمعين امبارح ده امبارح كان يوم عالمى يعنى منجمعش غير فى المصياب بعد الشر طبعا
دا ايه العسل الى انا فى ده
اخر حاجة معلش استحملونى انا مش عايزة الموضوع ده يتفتح انا مش حدخلة اول مرة اشوفنا بنتخانق انتهى الموضوع خلص الكلام سلام

هه ههههه بصي يا قمر مش عشان غلطات بسيطة متتخدي كده براحة شوية و ع فكرة انا مواضيعي من اكتر المواضيع الناحجة فالمملكة و معتقدش ان غلط لما اسال مجرد سؤال و ياريت تهدي عشان انتي مبتكلميش طفلة ها

ياجماعه براحه شويه انتو فى ايه
يا مشمش اولا انا بقالى فى المنتدى حوالى سنه او 9شهور وفعلا كانت فى حاجات بتحصل كتييير اوى بدون ذكر اسماء كانت فى بنات بتنادى على صحابتهم فى المنتدى بالمواضيع وكانت فى ناس بتكتب حاجات اصلا ملهاش اى علاقه بالمنتدى اصلا بدون ذكر اسماء
انا اسفه فى الكلمه انتى كنتى فين
لما الاعضاء دول كانو بيعملو الحاجات دى
ومش خوخه بس اللى بتغلط انا كمان ليا غلطات هى خوخه كانت عندها استفسار على موضوع انها سالت على مسهمتنا ومواضيعنا اللى بتمسح بس الحقيقه انتى ردديتى بشكل قاسى شويه علينا احنا بس بنسال ياقمر انتى ليكى الحق فى انك تحافظى على شكل المنتدى واحنا بردو يهمنا شكل منتدنا اللى جمعنا كلنا وعرفنا على بعضينا
ياخوخه: معلش ياقمر متزعليش هى مشمشه كانت عايزة توصلك انها خايفه على المنتدى واحنا فاهمين ومواضيعك حلوة بس كلنا غلطنا واحنا مش ملايكه يعنى
ومشمشه :ان شاء كلنا هنهتم بالموضيع وشكل المنتدى
وانا اسفه لو كنت زعلتكو بكلامى بس هو ده بجد اللى كنت عايزة اقولهقم بجد بصفتى عضوه فى مملكه الكنج خان

انا بجد اسفة لو زعلت اي حد هنا بس مش هقول حاجة تاني وربنا يوفقكو

والله؟
وانتي مخدتيش بالك من كلامك الاول ليه و و كل كلامك مليان اسمايل ميت من الضحك مش ده استفزاز بردو و لا ايه بس لو انتي عايزة تعرفي الرد بجد ادخلي ع الشات دلوقتي هتعرفي ردهم كلهم و ارائهم بصراحة مش مجاملة

مشمشه المواضيع الناجحه يحددها كثرة الردود والتفاعل معاها
واسمحيلي انا شايفه ان المنتدى كله بيتفاعل مع خوخه وجامد جدا كمان

انا شايفه ان مواضيع خوخه ناجحه ودايما بشوفها وووومميزه وانا دايما بشوفها وارد عليها

وانا شايفه ان اسلوب المشرفات استفزازي جدا

بصوا يا بنات
الى يغلط
شاروخ هيزعل منة خلاص
انتو نسيتو اننا فى رمضان
والعيد جاى وعايزين شكل جديد فى المنتدى لشاروخ
كل سنة وانتم طيبين
وهقولكم حاجة واحدة بس هترواقوا
بووووووووووووووووووووووووووووووووم

بنات خلاص محدش يزعل ويكتر الكلام خلاص كل وحده فينا تنتبه لموضوعها قبل ماتنزله عشان ماتبقى زي الحاله الى وصلنا فيها دي

وانا بصراحه عاجبتني مواضيع خوخه اووي وممكن مش كانت بتعرف ان ليها مواضيع مكرره

انا نزلت موضوع بعديويو في نفس اليوم ومااخد ت بالى الى بعد مانزل وطلبت انه يتمسح

ومشكورين

صلوا على النبى يابنات احنا فى فتنة ولا ايه احنا فى العشرة الاواخر مش هتحصل يعنى خناقة بينا وبين المشرفين لان انتوا صحابى والمشرفين صحابى بصى يا مشمشة انتى وخوخة معلش هدوا نفسكم شوية والصراحة ان احنا الاتنين غلطنا
وانتى يا خوخة اهدى شوية وانا كمان اتسمح منى اكتر من 200 مساهمة بس عادى يابنات بطلوا خناق بالله عليكم وصلوا على النبى
وانا مش واقفة فى صف حد والله العظيم
وخوخة طبعا ليها مواضيع ناجحة بس غلطات والبشر خطائون يا بنات انا شايفة ان الموضوع بيكبر قلت اوقفه
عشان كدة انا شلت دماغى يابنات من حكاية الخنقات دى بالله عليكم صلوا على النبى
وشكرا يا مشمشة وشكرا يا ايمى وشكرا يا يويو وشكرا يا توفى
وشكرا للبنات الى دخلوا الموضوع كلهم