اكتب ماتشعر به الان وستجد من يسمعك

ميرو حبيبة قلبى ياما بيحصل بين الاصدقاء لا بين الاخوات كمان و بعدين بيهدوا و النفوس تتصافى و المياه ترجع لمجاريها و الحال يمشى . قصدى اقول ان الاختلاف مع الاصدقاء شئ وارد لاننا بشر و الغلط فى دمنا و ممكن يكون غصب عنى او عنك نعمل موقف يا اما يتفهم غلط او يجرح حد قريب منا و يدمره . بس المهم انك تكونى قادرة تحكمى صح هل الى عملت معاكى الموقف الوحش ده و جرحتك كانت قاصدة و لا عملته فى لحظة غباوة و ممكن تندم عليه . و العفو عند المقدرة اوعى يكون قلبك اسود و تشيلى لدرجة تمنعك من السماح لان البنى ادم لازم يتعلم يسامح و دايما يفتكر للى بيحبهم الخير و المواقف الحلوة الى كانت بينهم و ما يخليش لحظة شيطان تدمر الدنيا . و بعدين انتى عصبية موووووووووت و انا عارفة و مش معنى كدة انك ما تخديش حقك اكيد لا لازم الى غلط فيكى يتاسف و تظهر انها ندمت و ساعتها لازم تصالحيها لانها زى ما انتى بتقولى عشرة 8 او 9 سنين مش صحوبية امبارح يابت ربنا بيسامح البشر الى عاملين مصايب يبقى اولى بالبنى ادم الخطاء انه يسامح اخواته يا حبيبتى و ربنا يهدى لك نفسك و يهدى الاحوال يا حبيبة قلبى